പണി കൊടുത്ത് ഗൂഗിൾ മാപ്പ്; വെള്ളച്ചാട്ടം കാണാന്‍ പോയ യുവാക്കള്‍ കൊടും കാട്ടിൽ കുടുങ്ങി; രക്ഷകരായി എത്തിയത് അ​ഗ്​​നി​ശ​മ​ന​സേ​നാംഗങ്ങൾ

സ്വന്തം ലേഖിക

ക​ട​യ്ക്ക​ല്‍: ഗൂഗിൾ മാപ്പ് നോക്കി പോയി പണി കിട്ടുന്നത് പുതുമയുള്ള കാര്യമല്ല. ഇത്തവണ പണികിട്ടിയത് വെള്ളച്ചാട്ടം കാണാന്‍ പോയ യുവാക്കള്‍ക്കാണ്.

ഗൂഗിള്‍ മാപ്പ് നോക്കി ഇവർ ചെന്നെത്തിയത് കൊടും കാട്ടിലാണ്.
ഒടുവില്‍ രക്ഷകരായി എത്തിയത് അ​ഗ്​​നി​ശ​മ​ന​സേ​നാംഗങ്ങളും. ഓ​യി​ല്‍​പാം എ​സ്​​റ്റേ​റ്റും അ​ഞ്ച​ല്‍ വ​ന​മേ​ഖ​ല​യും അ​തി​ര്‍​ത്തി പ​ങ്കി​ടു​ന്ന ക​ന്യാ​ര്‍​ക​യ​ത്ത് ര​ണ്ട് മ​ണി​ക്കൂ​ര്‍ നീ​ണ്ട തെരച്ചി​ലി​നൊ​ടു​വി​ലാ​ണ് യു​വാ​ക്ക​ളെ ക​ണ്ടെ​ത്താ​നാ​യ​ത്.

ക​ന്യാ​ര്‍​ക​യം വെ​ള്ള​ച്ചാ​ട്ടം കാണാന്‍ ബു​ധ​നാ​ഴ്ച രാ​ത്രി​ എത്തിയ യുവാക്കളാണ് കാട്ടില്‍ ഒറ്റപ്പെട്ടു പോയത്. വ​ര്‍​ക്ക​ല സ്വ​ദേ​ശി​ക​ളാ​യ വി​ശാ​ഖ് (30), പ്ര​മോ​ദ് (29), നി​തി​ന്‍ (28) എ​ന്നി​വ​രാണ് ഗൂഗിള്‍ മാപ്പിനെ വിശ്വസിച്ച്‌ പൊല്ലാപ്പിലായത്. ഗൂഗിള്‍ മാ​പ്പി​ന്റെ സ​ഹാ​യ​ത്തോ​ടെ വൈ​കീ​ട്ട്​ സ്ഥലത്തെത്തിയ യു​വാ​ക്ക​ള്‍ എ​ണ്ണ​പ്പ​ന തോ​ട്ട​ത്തി​ല്‍ കു​ടു​ങ്ങു​ക​യാ​യി​രു​ന്നു.

ഇവിടെ വെച്ച്‌ യുവാക്കളുടെ കാ​ര്‍ കു​ഴി​യി​ല്‍ അ​ക​പ്പെ​ട്ടതോടെയാണ് പ്രശ്നം ഗുരുതരമായത്. ഏ​ക്ക​ര്‍ ക​ണ​ക്കി​നു​ള്ള എ​ണ്ണ​പ്പ​ന തോ​ട്ട​ത്തി​ല്‍ വ​ന്യ​മൃ​ഗ​ശ​ല്യ​മു​ള്ള പ്ര​ദേ​ശ​ത്ത് പെ​ട്ടു​പോ​യ യു​വാ​ക്ക​ള്‍ മ​ട​ങ്ങാ​നാ​കാ​തെ കു​ടു​ങ്ങി. പ്ര​ദേ​ശ​ത്ത് മൊ​ബൈ​ല്‍ റേ​ഞ്ചും പ​രി​മി​ത​മാ​ണ്. പ്ര​യാ​സ​പ്പെ​ട്ട് യു​വാ​ക്ക​ള്‍ ക​ട​യ്ക്ക​ല്‍ പൊ​ലീ​സ് സ്​​റ്റേ​ഷ​നി​ല്‍ ബ​ന്ധ​പ്പെ​ട്ടെ​ങ്കി​ലും വി​തു​ര പൊ​ലീ​സി​ല്‍ അ​റി​യി​ക്കാ​നാ​യി​രു​ന്നു നി​ര്‍​ദേ​ശം.

തു​ട​ര്‍​ന്ന് വി​തു​ര പൊ​ലീ​സി​ല്‍ ബ​ന്ധ​പ്പെ​ട്ട​പ്പോ​ള്‍ അ​വ​ര്‍ വി​വ​രം ക​ട​യ്ക്ക​ല്‍ അ​ഗ്​​നി​ര​ക്ഷാ​നി​ല​യ​ത്തി​ല​റി​യി​ച്ചു. ഏറെ നേരത്തെ തിരച്ചിലിനൊടുവിലാണ് യുവാക്കളെ കണ്ടെത്താനായത്.