സഹപാഠിയായ വിദ്യാര്ത്ഥിനിയ്ക്കൊപ്പം നടന്നുവെന്ന് ആരോപിച്ച് പത്താം ക്ലാസ് വിദ്യാര്ത്ഥിയ്ക്ക് നേരെ ഓട്ടോ ഡ്രൈവറുടെ സദാചാര ഗുണ്ടായിസം ; പെണ്കുട്ടിയുടെ കൂടെ നടന്നുവെന്ന് ആരോപിച്ച് വിദ്യാര്ത്ഥിയുടെ മുഖത്തടിച്ചു: ആളുമാറിയാണ് മര്ദ്ദിച്ചതെന്ന് പറഞ്ഞതിന് പിന്നാലെ കേസൊതുക്കി തീര്ക്കാനും ശ്രമം
സ്വന്തം ലേഖകന് കണ്ണൂര്: പാനൂരില് സഹപാഠിയായ പെണ്കുട്ടിക്കൊപ്പം നടന്നുപോയെന്ന് ആരോപിച്ച് പത്താം ക്ലാസ് വിദ്യാര്ത്ഥിയ്ക്ക് നേരെ ഓട്ടോറിക്ഷാ ഡ്രൈവറുടെ ക്രൂരമര്ദ്ദനം.പാനൂര് മുത്താറിപീടികയിലെ ഓട്ടോ ഡ്രൈവറായ ജിനീഷാണ് മൊകേരി രാജീവ് ഗാന്ധി ഹയര്സെക്കന്ഡറി സ്കൂളിലെ പത്താംക്ലാസ് വിദ്യാര്ത്ഥിയെ നടുറോഡിലിട്ട് മര്ദിച്ചത്. കഴിഞ്ഞ ദിവസം ഉച്ചയോടെ മുത്താറിപീടികയിലെ ഓട്ടോ സ്റ്റാന്ഡിന് സമീപമായിരുന്നു സംഭവം. ഇന്നലെ ഉച്ചയ്ക്ക് എസ്എസ്എല്സി മോഡല് പരീക്ഷ കഴിഞ്ഞ് വീട്ടിലേക്ക് തിരിച്ച് പോകുന്നതിനിടയിലാണ് വിദ്യാര്ത്ഥിയെ ജിനീഷ് തല്ലിയത്. വിദ്യാര്ത്ഥിയെ തല്ലുന്നത് പ്രദേശവാസികളുടെ മുന്നില് വച്ചായിരുന്നെങ്കിലും ആദ്യം ആരും അത് തടയാന് ശ്രമിച്ചില്ല. കുറച്ച് സമയത്തിന് […]