പത്താം ക്ലാസ് വിദ്യാർത്ഥി ഹൃദയാഘാതം മൂലം മരിച്ച സംഭവം; അ‌രുളിന്റെ അ‌ച്ഛൻ മരിച്ചതും ഹൃദയാഘാതത്തെത്തുടർന്ന്; പിതാവ് അമൽ ജോസ് മരിച്ചത് രണ്ട് വർഷം മുൻപ്

സ്വന്തം ലേഖകൻ

കാസർകോട്: പത്താം ക്ലാസ് വിദ്യാർത്ഥിയായ അ‌രുൾ വിമൽ ഇന്നലെ ഹൃദയാഘാതത്തെത്തുടർന്നാണ് മരിച്ചത്. ചായ്യോത്ത് ഗവ: ഹയർസെക്കണ്ടറി സ്‌കൂളിലെ പത്താം ക്ലാസ് വിദ്യാർത്ഥിയായിരുന്നു.

പരേതനായ കായികാധ്യാപകൻ അമൽജോസിന്റെയും ചായ്യോത്ത് ജിഎച്ച്എസ്എസ് അധ്യാപിക ഷിജി ജോസിന്റെയും മകനാണ്.അ‌രുൾ വിമലി​ന്റെ അ‌ച്ഛ​നും ഹൃദയാഘാതത്തെത്തുടർന്നാണ് മരിച്ചത്. രണ്ട് വർഷം മുൻപാണ് അ‌ച്ഛൻ അ‌മൽ ജോസും ഹൃദയാഘാതമുണ്ടായി മരിച്ചത്. സർവീസിലിരിക്കെയാണ് പിതാവിന്റെ മരണം.

ഇന്നലെ രാവിലെ ശ്വാസതടസത്തെ തുടർന്നാണ് അരുളിനെ കാഞ്ഞങ്ങാട് ജില്ലാ ആശുപത്രിയിൽ പ്രവേശിപ്പിച്ചത്. തുടർന്നാണ് മരണം സംഭവിച്ചത്. അ‌രുളിന്റെ സംസ്കാരം ചെറുപുഴ ചർച്ച് സെമിത്തേരിയിൽ നടത്തും. സഹോദരി: അനന്യ വിമൽ (പ്ലസ്ടു വിദ്യാർഥിനി, ജിഎച്ച്എസ്എസ്, ചായ്യോത്ത്).