ശ്രീറാം വെങ്കിട്ടരാമന്റെ ലൈസൻസ് സസ്‌പെൻഡ് ചെയ്തു

സ്വന്തം ലേഖിക

തിരുവനന്തപുരം: മാധ്യമപ്രവർത്തകൻ കെ.എം ബഷീറിനെ കാറിടിച്ചു കൊന്ന കേസിൽ ഐ.എ.എസ് ഉദ്യോഗസ്ഥൻ ശ്രീറാം വെങ്കിട്ടരാമൻറെ ഡ്രൈവിങ് ലൈസൻസ് സസ്‌പെൻഡ് ചെയ്തു. ഒരു വർഷത്തേക്കാണ് സസ്‌പെൻഡ് ചെയ്തിരിക്കുന്നത്.

ശ്രീറാമിൻറെയും കാറിൽ കൂടെയുണ്ടായിരുന്ന വഫ ഫിറോസിൻറെയും ലൈസൻസ് റദ്ദാക്കാൻ വൈകുന്നതിനെതിരെ വിമർശനമുയർന്നിരുന്നു.

ശ്രീറാം വെങ്കിട്ടരാമൻറെയും വഫ ഫിറോസിൻറെയും ലൈസൻസ് റദ്ദാക്കാൻ വൈകിയോ എന്ന കാര്യം പരിശോധിക്കുമെന്നും ഇതുസംബന്ധിച്ച് ട്രാൻസ്‌പോർട്ട് സെക്രട്ടറിക്ക് നിർദേശം നൽകിയെന്നും ഗതാഗത മന്ത്രി എ.കെ. ശശീന്ദ്രൻ പറഞ്ഞിരുന്നു. ഇതിനു പിന്നാലെയാണ് നടപടിയുണ്ടായത്.