ഡോ ആർ എൽ വി രാമകൃഷ്ണന് നേർക്ക് നടന്ന അധിക്ഷേപം : സി എസ് ഡി എസ് സംസ്‌ഥാന കമ്മിറ്റി കോട്ടയത്ത് കോലം കത്തിച്ച് പ്രതിഷേധിച്ചു ; പട്ടികജാതി വർഗ്ഗ പീഡന നിരോധന നിയമപ്രകാരം കേസ്  രജിസ്റ്റർ ചെയ്യണമെന്നും ആവശ്യം ; സി എസ് ഡി എസ് സംസ്‌ഥാന പ്രസിഡന്റ്‌ കെ കെ സുരേഷ് ഉദ്ഘാടനം ചെയ്തു

സ്വന്തം ലേഖകൻ

കോട്ടയം : നാട്യകലാകാരനും അധ്യാപകനുമായ ഡോ ആർ എൽ വി രാമകൃഷ്ണന് നേർക്ക് കലാമണ്ഡലം സത്യഭാമ നടത്തിയ വംശീയ അധിക്ഷേപത്തിന് എതിരെ ചേരമസാംബവ ഡെവലപ്പ്മെന്റ് സൊസൈറ്റി (സി എസ് ഡി എസ് ) സംസ്‌ഥാന കമ്മിറ്റി കോട്ടയത്ത് പ്രതിഷേധ മാർച്ചും കോലം കത്തിച്ച് പ്രകടനവും നടത്തി.

സി എസ് ഡി എസ് സംസ്‌ഥാന പ്രസിഡന്റ്‌ കെ കെ സുരേഷ് ഉദ്ഘാടനം ചെയ്തു. ആർ എൽ വി രാമകൃഷ്ണനെ അധിക്ഷേപിച്ച സത്യഭാമയ്ക്ക് എതിരെ പട്ടികജാതി/വർഗ്ഗ പീഡന നിരോധന നിയമ പ്രകാരം കേസ് രജിസ്റ്റർ ചെയ്യണമെന്ന് കെ കെ സുരേഷ് ആവശ്യപ്പട്ടു. ഇത് സംബന്ധിച്ച് മുഖ്യമന്ത്രിയ്ക്കും ഡിജിപിയ്ക്കും പട്ടികജാതി കമ്മീഷനും പരാതി നൽകിയതായും അദ്ദേഹം അറിയിച്ചു.

സംസ്‌ഥാന ജനറൽ സെക്രട്ടറി സുനിൽ കെ തങ്കപ്പൻ, വൈസ് പ്രസിഡന്റ്‌ പ്രവീൺ ജെയിംസ്, ടി എ കിഷോർ, വിനു ബേബി, പി സി രാജു, സിബി മാഞ്ഞൂർ തുടങ്ങിയവർ പ്രസംഗിച്ചു.