പൂന്തുറ സിറാജിനെ പി.ഡി.പി.യില് നിന്ന് പുറത്താക്കി
സ്വന്തം ലേഖകൻ
തിരുവനന്തപുരം : പി.ഡി.പി.സംഘടനാ പ്രവര്ത്തന രംഗത്ത് നിര്ജ്ജീവമായിരിക്കുകയും കോര്പ്പറേഷന് തെരഞ്ഞെടുപ്പില് മറ്റൊരു പാര്ട്ടിയുടെ സ്ഥാനാര്ത്ഥിയായി മത്സരിക്കാന് തീരുമാനിച്ചതായി ഔദ്യോഗിക വിവരം ലഭിച്ച സാഹചര്യത്തിലും സംഘടനാ അച്ചടക്കലംഘനത്തിന്റെ പേരില് പൂന്തുറ സിറാജിനെ പാര്ട്ടിയില് നിന്ന് പുറത്താക്കിയതായി ചെയര്മാന് അബ്ദുന്നാസിര് മഅ്ദനി ബാംഗ്ളൂരില് നിന്ന് അറിയിച്ചു.
കഴിഞ്ഞ സംഘടനാ തെരഞ്ഞെടുപ്പ് വേളയില് സംസ്ഥാന കമ്മിറ്റിയിലേക്ക് തെരഞ്ഞെടുക്കപ്പെടാതെ വരികയും പൗരത്വ പ്രക്ഷോഭത്തിലും മഅ്ദനിയുടെ നീതിക്ക് വേണ്ടി നടന്ന പ്രതിഷേധങ്ങളില് ഉള്പ്പെടെ പാര്ട്ടി പരിപാടികളില് സഹകരിക്കാതിരിക്കുകയും സംഘടനാപ്രവര്ത്തനങ്ങളില് സഹകരിക്കാതിരിക്കുകയും ചെയ്യുകയായിരുന്നു.
Whatsapp Group 1 | Whatsapp Group 2 |Telegram Group
ഇരുപത്തി അഞ്ച് വര്ഷത്തോളമായുള്ള സംഘടനാബന്ധം ഉപേക്ഷിച്ച് കേവലം ഒരു കോര്പ്പറേഷന് സീറ്റിന് വേണ്ടി മറ്റൊരു പ്രസ്ഥാനത്തിന്റെ ഭാഗമാകാനുള്ള തീരുമാനം രാഷ്ട്രീയ ധാര്മീകതക്ക് നിരക്കാത്തതും വഞ്ചനയുമാണെന്ന് പാര്ട്ടി കേന്ദ്രകമ്മിറ്റി പത്രകുറിപ്പില് അറിയിച്ചു.