പാരീസിനും ലോസാഞ്ചൽസിനും ശേഷം ബ്രിസ്‌ബേനിലേയ്ക്ക്: ഒളിംപിക്‌സിനു വേദിയാകാനൊരുങ്ങി ബ്രിസ്‌ബേൻ നഗരം; തീരുമാനം ഒളിംപിക് കമ്മിറ്റിയുടേത്

സ്വന്തം ലേഖകൻ

ടോക്യോ: ഒളിംപിക്‌സ് ആരംഭിക്കാൻ ഒരു ദിവസം മാത്രം ബാക്കി നിൽക്കേ 2032 ഒളിംപിക്‌സ് വേദി പ്രഖ്യാപിച്ചു. 2032 ലെ ഒളിംപിക്‌സിനു ബ്രിസ്‌ബെയിൻ വേദിയാകുമെന്നു രാജ്യാന്തര ഒളിപിംക് കമ്മിറ്റിയാണ് പ്രഖ്യാപിച്ചത്.

2032 ഒളിംപിക്‌സ് വേദിയായി ഓസ്‌ട്രേലിയൻ നഗരമായ ബ്രിസ്‌ബെയിൻ തിരഞ്ഞെടുക്കപ്പെട്ടു.

ടോക്കിയോയിൽ ചേർന്ന രാജ്യാന്തര ഒളിംപിക്‌സ് കമ്മിറ്റിയാണ് ബ്രിസ്‌ബെയ്‌നിന് അംഗീകാരം നൽകിയത്.

ഇത് മൂന്നാം തവണയാണ് ഓസ്‌ട്രേലിയ ഒളിംപിക്‌സിനു വേദിയാകുന്നത്. 1956-ൽ മെൽബണും 2000-ൽ സിഡ്‌നിയും ഒളിംപിക്‌സിന് അതിഥേയത്വം വഹിച്ചു. 2024 ഒളിംപിക്‌സ് പാരീസിലും 2028ലേത് ലൊസാഞ്ചലസിലുമാണ് നടക്കുക.