ഓണ്ലൈന് പഠനത്തിനായി വാങ്ങി നല്കിയ ഫോണ് വഴി പരിചയപ്പെട്ടു; പ്രണയം നടിച്ച് പതിനാലുകാരിയെ വിവിധ സ്ഥലങ്ങളിലെത്തിച്ച് പീഡിപ്പിച്ചു; യുവാവ് അറസ്റ്റില്
സ്വന്തം ലേഖകൻ കിളിമാനൂര്: സാമൂഹ്യമാദ്ധ്യമത്തിലൂടെ പരിചയപ്പെട്ട പതിനാലുകാരിയെ പ്രണയം നടിച്ച് വിവിധ സ്ഥലങ്ങളിലെത്തിച്ച് പീഡിപ്പിച്ച യുവാവ് അറസ്റ്റില്. വിഴിഞ്ഞം കോട്ടുകാല് മാങ്കോട്ടുകോണം, എസ്.ഡി ഭവനില് നന്ദു എന്ന അബി സുരേഷാണ് (21) നഗരൂര് പൊലീസിൻ്റെ പിടിയിലായത്. നഗരൂര് എസ്.എച്ച്.ഒ ഷിജു, സീനിയര് സി.പി.ഒ മാരായ അജിത്ത്, പ്രതീഷ്, ഡ്രൈവര് സന്തോഷ് എന്നിവരടങ്ങിയ സംഘമാണ് പ്രതിയെ പിടികൂടിയത്. ഒന്പതാം ക്ളാസ് വിദ്യാര്ത്ഥിനിയെ വിഴിഞ്ഞത്തും മറ്റും കൊണ്ടുപോയി പലതവണ പീഡിപ്പിച്ചതായാണ് പെണ്കുട്ടിയുടെ മൊഴി. തുടര്ന്നാണ് നഗരൂര് സ്റ്റേഷനില് പോക്സോ കേസ് രജിസ്റ്റര് ചെയ്ത് പ്രതിയെ അറസ്റ്റ് ചെയ്തത്. […]