Third Eye News Live

തെലുങ്ക് മണ്ണിൽ വീണ്ടും കോൺഗ്രസ്സിന്റെ മോഹത്തിന് തിരിച്ചടി; ചന്ദ്രശേഖരറാവുവിന് മുന്നിൽ അടിതെറ്റി വീണു

സ്വന്തം ലേഖകൻ ഹൈദരാബാദ്: തെലുങ്ക് മണ്ണിൽ വീണ്ടും കോൺഗ്രസ്സിന്റെ മോഹത്തിന് തിരിച്ചടി. ചന്ദ്രശേഖരറാവുവിന് മുന്നിൽ അടിതെറ്റി വീണ് കോൺഗ്രസ്സ്. 2014 ൽ ആന്ധ്രയെ വിഭജിച്ച് തെലുങ്കാന സംസ്ഥാനം രൂപീകരിക്കുമ്പോൾ ആന്ധ്ര നഷ്ടപ്പെട്ടാലും തെലുങ്കാന ഒപ്പം നിൽക്കുമെന്നായിരുന്നു കോൺഗ്രസിന്റെ പ്രതീക്ഷ. എന്നാൽ സംസ്ഥാന ചരിത്രത്തിലെ ആദ്യ തിരഞ്ഞെടുപ്പ് 2014 ൽ തന്നെ നടന്നപ്പോൾ 63 സീറ്റുകളുമായി ടിആർഎസ് അധികാരത്തിൽ എത്തിയതോടെ കോൺഗ്രസ്സിന്റെ പ്രതീക്ഷകൾ തുടക്കത്തിലെ പാളി. കഴിഞ്ഞ തവണ നഷ്ടപ്പെട്ട അധികാരം ഇത്തവണ പിടിച്ചെടുക്കാനുറച്ചായിരുന്നു കോൺഗ്രസ് സംസ്ഥാനത്ത് പ്രചരണങ്ങൾ നടത്തിയിരുന്നത്. തെലുങ്കാന രൂപവത്ക്കരിക്കാൻ മുൻകൈ എടുത്ത […]

പ്രധാനമന്ത്രിയുടെ സാമ്പത്തിക ഉപദേശക സമിതി അംഗം രാജിവെച്ചു

സ്വന്തം ലേഖകൻ ന്യൂഡൽഹി: പ്രധാനമന്ത്രിയുടെ സാമ്പത്തിക ഉപദേശക സമിതിയിൽ നിന്നും സാമ്പത്തിക വിദഗ്ധൻ സുർജിത് ഭല്ല രാജിവെച്ചു. ഡിസംബർ ഒന്നിന് സമിതിയിലെ പാർട്ട് ടൈം അംഗത്വം രാജിവെച്ചിരുന്നതായി അദ്ദേഹം ഇന്ന് ട്വീറ്റിലൂടെ വ്യക്തമാക്കി. സാമ്പത്തികവിഷയങ്ങൾ അവലോകനം ചെയ്ത് പ്രധാനമന്ത്രിക്ക് കൈമാറി ഉപദേശം നൽകുകയാണ് സാമ്പത്തിക ഉപദേശക സമിതിയുടെ ധർമം. റിസർവ് ബാങ്ക് ഗവർണർ സ്ഥാനത്തു നിന്ന് ഉർജിത് പട്ടേൽ രാജിവെച്ച വാർത്തകൾ പുറത്തു വന്നതോടെയാണ് സുർജിത് ഭല്ല തന്റെ രാജിയെ കുറിച്ച് ഭല്ല വെളിപ്പെടുത്തിയത്.

തിരഞ്ഞെടുപ്പിലെ തിരിച്ചടി; താമര കരിഞ്ഞതോടെ ചോദ്യങ്ങളിൽ നിന്നും ഒഴിഞ്ഞു മാറി മോദി

സ്വന്തം ലേഖകൻ ദില്ലി: നിയമസഭ ഇലക്ഷൻ ഫലം പുറത്തുവന്നുകൊണ്ടിരിക്കെ താമര കരിയുമെന്ന് ഉറപ്പായതോടെ മാധ്യമങ്ങളുടെ തിരഞ്ഞെടുപ്പ് ചോദ്യങ്ങളിൽ നിന്നും ഒഴിഞ്ഞു മാറി മോദി. പാർലമെൻറിന്റെ ശീത കാല സമ്മേളനത്തെക്കുറിച്ച് സംസാരിക്കാനാണ് മോദി മാധ്യമങ്ങളെ കണ്ടത്. എന്നാൽ തിരഞ്ഞെടുപ്പിൽ നേരിട്ട പരാജയത്തെക്കുറിച്ച് പ്രതികരിക്കാൻ മോദി തയ്യാറായില്ല. മാധ്യമപ്രവർത്തകർ മോദിയുടെ ഫലങ്ങളെക്കുറിച്ച് ചോദിച്ചപ്പോൾ പ്രതികരിക്കാതെ തിരിഞ്ഞു പോകുകയായിരുന്നു മോദി.

നിയമസഭ നേരത്തെ പിരിച്ചു വിടൽ; തെലങ്കാനയിൽ വിജയം കണ്ടത് കെസിആറിന്റെ ചാണക്യതന്ത്രം

സ്വന്തം ലേഖകൻ ഹൈദരാബാദ്: തെലങ്കാനയിൽ വിജയം കണ്ടത് കെ ചന്ദ്രശേഖരറാവുവിന്റെ തന്ത്രം. കാലാവധി പൂർത്തിയാവുന്ന പക്ഷം ലോക്‌സഭാ തിരഞ്ഞെടുപ്പിനൊപ്പമായിരുന്നു തെലുങ്കാനയിലെ തെരഞ്ഞെടുപ്പ് നടക്കേണ്ടിയിരുന്നത്. എന്നാൽ ഇതിൽ താൽപര്യമില്ലാതിരുന്ന ചന്ദ്രശേഖർ റാവു നിയമസഭ പിരിച്ചു വിട്ട് തിരഞ്ഞെടുപ്പ് നേരത്തെയാക്കാൻ കളമൊരുക്കുകയായിരുന്നു. തിരഞ്ഞെടുപ്പ് നേരത്തെയാക്കുന്നതിലൂടെ നിരവധി ലക്ഷ്യങ്ങളാണ് ടിആർഎസിനുണ്ടായിരുന്നത്. സംസ്ഥാനത്ത് ഇപ്പോൾ കാര്യമായ ഭരണവിരുദ്ധ വികാരമൊന്നും നിലനിൽക്കുന്നില്ല. അതിനാൽ തന്നെ മികച്ച ഭൂരിപക്ഷത്തിൽ സംസ്ഥാനത്ത് വീണ്ടും ഭരണത്തിൽ എത്താൻ കഴിയുമെന്ന പ്രതീക്ഷയാണ് ടിആർഎസ്സിനുണ്ടായിരുന്നത്. സംസ്ഥാന തിരഞ്ഞെടുപ്പ് നേരത്തെ നടത്തി വിജയിച്ചതിന് ശേഷം പതിയെ ലോക്സഭ തിരഞ്ഞെടുപ്പിലേക്ക് കടക്കാം. […]

കൈ ഉയർത്തി കോൺഗ്രസ്; താമര കരിഞ്ഞു

സ്വന്തം ലേഖകൻ ന്യൂഡൽഹി: ലോക്സഭാ തെരഞ്ഞെടുപ്പിന്റെ സെമിഫൈനലായി വിശേഷപ്പിക്കുന്ന അഞ്ചു സംസ്ഥാനങ്ങളിലെ വോട്ടെണ്ണൽ അവസാനഘട്ടത്തിലേക്ക് കടക്കുന്നു. ശക്തമായ തിരിച്ചുവരവാണ് കോൺഗ്രസിന്. രാജസ്ഥാനിലും ഛത്തിസ്ഗഢിലും കോൺഗ്രസ് കേവലഭൂരിപക്ഷം ഉറപ്പാക്കി. ഏറെ നിർണായകമായ മധ്യപ്രദേശ് ഫോട്ടോ ഫിനിഷിലേക്ക് കടക്കുമ്പോൾ നേരിയ മുൻതൂക്കം കോൺഗ്രസിനുമുണ്ട്. ആർക്കും ഭൂരിപക്ഷം ലഭിക്കാതെ വന്നാൽ ഇവിടെ ബി.എസ്.പി, എസ്.പി തുടങ്ങിയ പാർട്ടികൾ നിർണായകമാകും. തെലങ്കാനയിൽ ടിആർഎസ് അധികാരം നിലനിർത്തി. മിസോറാമിൽ എം.എൻ.എഫ് അധികാരം ഉറപ്പാക്കിയിട്ടുണ്ട്. രാജസ്ഥാനിലെ രണ്ട് മണ്ഡലങ്ങളിൽ സിപിഎം മുന്നിട്ടുനിൽക്കുന്നു. പ്രമുഖ നേതാക്കളായ വസുന്ധരരാജെ, സച്ചിൻ പൈലറ്റ്, അശോക് ഗെലോട്ട്, അജിത് […]

മിസോറാം കോൺഗ്രസിനെ കൈവിട്ടു; എം.എൻ.എഫ് അധികാരത്തിലേക്ക്

സ്വന്തം ലേഖകൻ ഐയ്സ്വാൾ: മിസോറാം ഇത്തവണ കോൺഗ്രസിനെ ‘കൈ’വിട്ടു. 40 അംഗ നിയമസഭയിൽ വോട്ടെണ്ണൽ പൂർത്തിയാകുമ്പോൾ പ്രദേശിക കക്ഷിയായ മിസോ നാഷണൽ ഫ്രണ്ട് മുന്നേറുകയാണ്. പുറത്തുവന്ന ഫലമനുസരിച്ച് എം.എൻ.എഫ് 26 ഇടത്തും കോൺഗ്രസ് 8 ഇടത്തും ബി.ജെ.പി ഒരിടത്തും ലീഡ് ചെയ്യുന്നു. മറ്റുള്ളവർക്ക് 5് സീറ്റുകളുണ്ട്. അധികാരമുറപ്പിക്കാൻ 21 സീറ്റുകൾ വേണമെന്നിരിക്കേ എം.എൻ.എഫ് ഭരണം ഉറപ്പാക്കികഴിഞ്ഞു. വടക്കു കിഴക്കൻ മേഖലയിൽ ബി.ജെ.പി നേതൃത്വം നൽകുന്ന എൻ.ഡി.എ മുന്നണിയുടെ പിടിയിൽ വരാത്ത ഏക സംസ്ഥാനമായിരുന്നു മിസോറാം. കോൺഗ്രസിനെ എക്കാലവും പിന്തുണച്ചിരുന്ന വടക്കു കിഴക്കൻ മേഖല കോൺഗ്രസ […]

മധ്യപ്രദേശ് ഫോട്ടോഫിനിഷിലേക്ക്, കോൺഗ്രസ് 112, ബിജെപി 107, മായാവതിയുടെ ബിഎസ്പി നിർണായകമാകും

സ്വന്തം ലേഖകൻ ഭോപ്പാൽ: മധ്യപ്രദേശിൽ വോട്ടെണ്ണലിന്റെ അവസാന മിനിറ്റുകളിൽ കോൺഗ്രസിന് മുന്നേറ്റം. ബിജെപിയും കോൺഗ്രസും നൂറ് കടന്നുവെങ്കിലും ചെറിയ വ്യത്യാസത്തിൽ കോൺഗ്രസ് മുന്നേറുകയാണ്. 116 എന്ന മാന്ത്രിക സംഖ്യയാണ് സർക്കാർ രൂപീകരിക്കാൻ വേണ്ടത്. കോൺഗ്രസ് 112 സീറ്റുകളിൽ ലീഡ് ചെയ്യുമ്പോൾ ബിജെപി 107 സീറ്റുകളിൽ ലീഡ് ചെയ്യുന്നു. മധ്യപ്രദേശ് ഫോട്ടോ ഫിനിഷിലേക്ക് എത്തുകയാണെങ്കിൽ മറ്റ് പാർട്ടികൾ നിർണായകമാകും. ബിജെപിയും കോൺഗ്രസും ഒഴികെയുളള മറ്റ് കക്ഷികളിൽ മായാവതിയുടെ ബിഎസ്പിയാണ് മുന്നിട്ട് നിൽക്കുന്നത്. പിന്നിൽ പോയാലും മായാവതിയുടെ പിന്തുണയോടെ മധ്യപ്രദേശിൽ സർക്കാരുണ്ടാക്കാൻ സാധിക്കും എന്ന ആത്മവിശ്വാസത്തിലാണ് കോൺഗ്രസ്. […]

രാജസ്ഥാനിൽ ഭരണം ഉറപ്പിച്ചു; സച്ചിൻ പൈലറ്റിന്റെ ചിത്രവുമായി കോൺഗ്രസ് പ്രവർത്തകർ ആഘോഷം തുടങ്ങി

സ്വന്തം ലേഖകൻ ന്യൂഡൽഹി: ലോക്സഭാ തെരഞ്ഞെടുപ്പിന്റെ സെമിഫൈനലായി വിശേഷിപ്പിക്കുന്ന അഞ്ചു സംസ്ഥാനങ്ങളിലെ വോട്ടെണ്ണൽ രണ്ടാം മണിക്കൂറിലേക്ക് കടന്നു. കോൺഗ്രസിന് വ്യക്തമായ ആധിപത്യം ഉറപ്പായി. വോട്ടെടുപ്പിൽ ലീഡ് ഉറപ്പിച്ചതിന് പിന്നാലെ രാജസ്ഥാനിൽ കോൺഗ്രസ് പ്രവർത്തകർ ആഘോഷം തുടങ്ങി. യുവനേതാവ് സച്ചിൻ പൈലറ്റിൻറെ ചിത്രവുമായി അദ്ദേഹത്തിന്റെ അണികൾ ആഘോഷം തുടങ്ങിയെന്നാണ് റിപ്പോർട്ട്.

രാജസ്ഥാനിലും ഛത്തീസ്ഗഢിലും കോൺഗ്രസ്; തെലങ്കാനയിൽ ടി.ആർ.എസ്; മധ്യപ്രദേശിൽ ഇഞ്ചോടിഞ്ച്

സ്വന്തം ലേഖകൻ ന്യൂഡൽഹി: മധ്യപ്രദേശ്, രാജസ്ഥാൻ, ഛത്തീസ്ഗഢ്, തെലങ്കാന, മിസോറം സംസ്ഥാനങ്ങളിലെ നിയമസഭാ തിരഞ്ഞെടുപ്പിലെ ആദ്യഫല സൂചനകൾ പുറത്തുവരുമ്പോൾ രാജസ്ഥാനിലും ഛത്തീസ്ഗഢിലും കോൺഗ്രസ് ഭരണം പിടിക്കുമെന്ന് ഉറപ്പായി. തെലങ്കാനയിൽ ടി.ആർ.എസ് ഭരണം നിലനിർത്തും. മധ്യപ്രദേശിൽ ഇഞ്ചോടിഞ്ച് പോരാട്ടമാണ് നടക്കുന്നു. മിസോറാമിൽ കോൺഗ്രസിന് ഭരണം നഷ്ടപ്പെടും. മിസോ നാഷണൽ ഫ്രണ്ട് ആണ് ഇവിടെ മുന്നിൽ. ബി.ജെ.പി.ക്കും കോൺഗ്രസിനും കേന്ദ്രസർക്കാരിനും നിർണായകമായ ജനവിധി, 2019-ലെ ലോക്സഭാ തിരഞ്ഞെടുപ്പിനുള്ള രാഷ്ട്രീയസൂചന നൽകും. ഈ സംസ്ഥാനങ്ങളിലെ രാഷ്ട്രീയത്തിനൊപ്പം ദേശീയ രാഷ്ട്രീയത്തിലും പ്രധാനമാണ് തിരഞ്ഞെടുപ്പുഫലം. കേന്ദ്രസർക്കാരിനെ നയിക്കുന്ന ബി.ജെ.പി.യാണ് മധ്യപ്രദേശ്, രാജസ്ഥാൻ, […]

തെലങ്കാനയിൽ തിരഞ്ഞെടുപ്പ് അട്ടിമറിച്ചുവെന്ന് കോൺഗ്രസ്; സുപ്രീം കോടതിയെ സമീപിക്കും

സ്വന്തം ലേഖകൻ ന്യൂഡൽഹി: തെലങ്കാനയിൽ നിയമസഭാ തിരഞ്ഞെടുപ്പ് നടപടികൾ അട്ടിമറിക്കപ്പെട്ടുവെന്ന ആരോപണവുമായി കോൺഗ്രസ്. ഇക്കാര്യം ഉന്നയിച്ച് സുപ്രീം കോടതിയെ സമീപിക്കുമെന്നും തെലങ്കാന കോൺഗ്രസ് നേതൃത്വം അറിയിച്ചു. നിയമസഭ നേരത്തെ പിരിച്ച് വിട്ട് തിരഞ്ഞെടുപ്പിനെ നേരിട്ട തെലങ്കാനയിൽ ഇപ്പോൾ ടി.ആർ.എസ് വൻ ഭൂരിപക്ഷത്തിലേക്ക് കുതിക്കുകയാണ്. തിരഞ്ഞെടുപ്പ് നടന്ന 119 സീറ്റുകളിൽ 84 ഇടത്തും ടി.ആർ.എസ് സ്ഥാനാർത്ഥികൾ മുന്നിലാണ്. ആകെ 14 സീറ്റുകളിൽ മാത്രമാണ് കോൺഗ്രസ് സ്ഥാനാർത്ഥികൾ മുന്നിൽ നിൽക്കുന്നത്. തെലങ്കാന ആകെസീറ്റ് 119, കേവലഭൂരിപക്ഷത്തിന് 60 2013ലെ സീറ്റുനില ടി.ആർ.എസ്- 63 കോൺഗ്രസ്- 21 ടി.ഡി.പി- […]