മീനിലെ മായം കണ്ടെത്തുന്നതിന് ഭക്ഷ്യസുരക്ഷാവകുപ്പ് ആവിഷ്ക്കരിച്ച ഓപ്പറേഷന്‍ മത്സ്യയിലൂടെ സംസ്ഥാന വ്യാപകമായി ഇതുവരെ പിടിച്ചെടുത്ത് നശിപ്പിച്ചത് 3645.88 കിലോ മത്സ്യം

സ്വന്തം ലേഖകൻ
തിരുവനന്തപുരം: മീനിലെ മായം കണ്ടെത്തുന്നതിന് ഭക്ഷ്യസുരക്ഷാവകുപ്പ് ആവിഷ്ക്കരിച്ച ഓപ്പറേഷന്‍ മത്സ്യയിലൂടെ സംസ്ഥാന വ്യാപകമായി ഇതുവരെ പിടിച്ചെടുത്തു നശിപ്പിച്ചത് 3645.88 കിലോ പഴകിയതും രാസവസ്തുക്കള്‍ കലര്‍ന്നതുമായ മത്സ്യം. ചൊവ്വാഴ്ച 108 പരിശോധനകളാണ് നടത്തിയത്.

76 മത്സ്യ സാമ്ബിളുകള്‍ ശേഖരിച്ചു വിദഗ്ധ പരിശോധനയ്ക്കായി സംസ്ഥാന ഭക്ഷ്യ സുരക്ഷാ വകുപ്പിലെ ലാബുകളിലേക്ക് അയച്ചു.

മത്സ്യ വില്‍പന കേന്ദ്രങ്ങള്‍ മുതല്‍ പ്രധാന ലേല കേന്ദ്രങ്ങള്‍ വരെ ഭക്ഷ്യസുരക്ഷാ വകുപ്പ് ഈ കാലയളവില്‍ പരിശോധന നടത്തി.

കുടിവെള്ളത്താല്‍ നിര്‍മ്മിച്ച ഐസില്‍ മീനിന് തുല്യമായ അളവില്‍ 1:1 അനുപാതം പാലിച്ച്‌ മത്സ്യം സൂക്ഷിക്കണമെന്നത് സംബന്ധിച്ചും പരിശോധയ്ക്കിടെ മത്സ്യ വ്യാപാരികള്‍ക്ക് ബോധവല്‍ക്കരണവും നല്‍കുന്നുണ്ട്.