കൂട്ടുകാരുമായി സംസാരിച്ച് നില്‍ക്കുന്നതിനിടെ കാല്‍ വഴുതി പുഴയില്‍ വീണ് വയോധികന്‍ മരിച്ചു; തലവടി നീരേറ്റുപുറം കടവിൽ വെച്ചായിരുന്നു അപകടം; സംരക്ഷണഭിത്തിയിൽ കാൽവഴുതി പുഴയിലേക്ക് വീഴുകയായിരുന്നു

സ്വന്തം ലേഖകൻ

ആലപ്പുഴ: കാല്‍ വഴുതി പുഴയില്‍ വീണ് വയോധികന്‍ മരിച്ചു. തലവടി പഞ്ചായത്ത് ആറാം വാര്‍ഡിലെ കറുകയില്‍ സുകുമാരന്‍ (73) ആണ് മരിച്ചത്.

കൂട്ടുകാരുമായി സംസാരിച്ച് നില്‍ക്കുന്നതിനിടെ സംരക്ഷണ ഭിത്തിയില്‍ കാല്‍ വഴുതി മണിമലയാറ്റിലേക്ക് വീഴുകയായിരുന്നു.ഇന്ന് ഉച്ചയ്ക്ക് നീരേറ്റുപുറം കടവില്‍ വെച്ചായിരുന്നു അപകടം.

ഉടനെത്തന്നെ സുകുമാരനെ കരക്കെത്തിച്ച് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. എടത്വ സ്വകാര്യ ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടു നല്‍കും