നെടുമ്പാശ്ശേയിൽ വീണ്ടും സ്വർണ്ണ വേട്ട ;ബാറ്ററിയുടെ രൂപത്തില്‍ ഒളിപ്പിച്ചു കടത്താൻ ശ്രമിച്ച ഒന്നരക്കിലോ സ്വര്‍ണവുമായി യുവാവ് പിടിയില്‍.

എറണാകുളം: നെടുമ്പാശ്ശേരി വിമാനത്താവളത്തില്‍ നിന്നും ഒന്നരക്കിലോ സ്വര്‍ണവുമായി യുവാവ് പിടിയില്‍. ബാറ്ററിയുടെ രൂപത്തില്‍ ഒളിപ്പിച്ചു കടത്താൻ ശ്രമിച്ച സ്വര്‍ണമാണ് പിടികൂടിയത്.

സ്വര്‍ണം കടത്താൻ ശ്രമിച്ച കോഴിക്കോട് സ്വദേശി മൻസൂറിനെ പോലീസ് അറസ്റ്റ് ചെയ്തു. 1,115.20 ഗ്രാം സ്വര്‍ണമാണ് ഇയാളില്‍ നിന്നും കണ്ടെടുത്തത്. ഇത് ഏകദേശം 84 ലക്ഷം രൂപ വിലമതിക്കുമെന്ന് അധികൃതര്‍ അറിയിച്ചു.

ഷാര്‍ജയിലൂടെ മസ്‌കത്തില്‍ നിന്നും കൊച്ചിയിലേക്ക് എത്തിയ യാത്രികനായിരുന്നു മൻസൂര്‍. റീചാര്‍ജ് ചെയ്ത് ഉപയോഗിക്കാൻ സാധിക്കുന്ന എമര്‍ജൻസി ലൈറ്റിന്റെ ബാറ്ററിയിടുന്ന ഭാഗത്ത് ഒളിപ്പിച്ചാണ് സ്വര്‍ണം കടത്താൻ ശ്രമിച്ചത്.