മഴക്കെടുതി നേരിടാൻ ദേശീയ ദുരന്തനിവാരണസേനയെ വിളിക്കാൻ സർക്കാർ തീരുമാനം ; ആശങ്കപ്പെടേണ്ട സാഹചര്യമില്ലെന്ന് മുഖ്യമന്ത്രി

സ്വന്തം ലേഖകൻ

തിരുവനന്തപുരം : സംസ്ഥാനത്ത് മഴക്കെടുതി നേരിടാൻ ദേശീയ ദുരന്തനിവാരണസേനയെ വിളിക്കാൻ സർക്കാർ തീരുമാനം. മഴ തുടരുന്നതിനെ തുടർന്ന് ഇന്ന് മുഖ്യമന്ത്രി വിളിച്ച ചേർത്ത അടിയന്തരയോഗത്തിലാണ് തീരുമാനം.

ദുരന്ത നിവാരണ സേനയുടെ 10 യൂണിറ്റിനെ വിളിക്കാനാണ് തീരുമാനം. അതേസമയം ആശങ്കപ്പെടേണ്ട സാഹചര്യമില്ലെന്ന് മുഖ്യമന്ത്രി അറിയിച്ചു.

മഴ ശക്തമായതോടെ വടക്കൻ കേരളത്തിലും ഇടുക്കിയിലും നിരവധി ഇടങ്ങളിൽ ഉരുൾ പൊട്ടലും വെള്ളപ്പൊക്കവുമുണ്ടായിട്ടുണ്ട്. മലപ്പുറം, വയനാട്, കണ്ണൂർ, ഇടുക്കി ജില്ലകളിലാണ് ശക്തമായ മഴയും നാശനഷ്ടങ്ങളും റിപ്പോർട്ട് ചെയ്യുന്നത്.