നാട്ടില്‍ പോകാനായി മസ്‌കത്ത് വിമാനത്താവളത്തില്‍ എത്തിയ മലയാളി കുഴഞ്ഞുവീണ് മരിച്ചു

സ്വന്തം ലേഖിക

തൃശൂര്‍: നാട്ടില്‍ പോകാനായി മസ്‌കത്ത് വിമാനത്താവളത്തില്‍ എത്തിയ മലയാളി കുഴഞ്ഞുവീണ് മരിച്ചു.

തൃശൂര്‍ വലപ്പാട് സ്വദേശി പുതിയ വീട്ടില്‍ ഹുസൈനാണ് കഴിഞ്ഞ ദിവസം മരിച്ചത്.

ഹെയിലിലായിരുന്നു താമസം. എസി മെക്കാനിക്കായി ജോലി ചെയ്തുവരികയായിരുന്നു.

കൊച്ചിയിലേക്കുള്ള വിമാനത്തില്‍ പോകാനെത്തിയ ഇദ്ദേഹത്തിന് നെഞ്ചുവേദന അനുഭവപ്പെടുകയായിരുന്നു. തുടർന്നാണ് കുഴഞ്ഞ് വീണത്.

പിതാവ്: പരേതനായ കുഞ്ഞിമോന്‍ അബ്ദുല്‍ ഖാദര്‍. മാതാവ്: ഫാത്തിമ. ഭാര്യ: സൈതഭാനു. മക്കള്‍: ഗസല, ആദില്‍.