കൊച്ചിയിൽ സർക്കാർ ജീവനക്കാരനെ വീടിനടുത്തുള്ള കുളത്തിൽ മരിച്ച നിലയിൽ കണ്ടെത്തി; പൊലീസ് കേസെടുത്ത് അന്വേഷണം ആരംഭിച്ചു

സ്വന്തം ലേഖകൻ

കൊച്ചി: സർക്കാർ ജീവനക്കാരൻ വീടിനടുത്തുള്ള കുളത്തിൽ മരിച്ച നിലയിൽ. ആയുർവേദ ആശുപത്രിയിലെ ജീവനക്കാരനായ സത്യനാ(65)ണ് മരിച്ചത്.

നെടുമ്പാശേരിക്കടുത്ത് കപ്രശേരി സർക്കാർ ആയുർവേദ ആശുപത്രിയിൽ പാർട് ടൈം സ്വീപ്പറായിരുന്നു. വീടിനടുത്തെ കുളത്തിലാണ് ഇദ്ദേഹത്തിന്റെ മൃതദേഹം കണ്ടെത്തിയത്. സംഭവത്തിൽ നെടുമ്പാശേരി പൊലീസ് കേസെടുത്ത് അന്വേഷണം ആരംഭിച്ചു.