ഇസുവിനെ ക്യാമറയിൽ പകർത്തി മെഗാ എം; മമ്മൂട്ടിയുടെയും ഇസഹാക്കിന്റെയും ചിത്രം പങ്കുവെച്ച് കുഞ്ചാക്കോ ബോബൻ
സ്വന്തം ലേഖിക
അ‌ഭിനയം പോലെ തന്നെ മെഗാ സ്റ്റാർ മമ്മൂട്ടിക്ക് ഇഷ്ടമുള്ള കാര്യമാണ് ഫോട്ടോഗ്രഫി. അ‌ടുത്തിടെ അ‌ദ്ദേഹം പകർത്തിയ സഹതാരങ്ങളുടെ ചിത്രങ്ങൾ സമൂഹ മാധ്യമങ്ങളിൽ ഏറെ ചർച്ചയായിരുന്നു. മമ്മൂട്ടി പകർത്തിയ ദുൽഖർ സൽമാന്റെ ചിത്രവും വൈറലായിരുന്നു. ഇപ്പോഴിതാ കുഞ്ചാക്കോ ബോബന്റെ മകൻ ഇസഹാക്കിന്റെ ചിത്രവും മമ്മൂട്ടി ക്യാമറയിൽ പകർത്തി.
കുഞ്ചാക്കോ ബോബൻ തന്നെയാണ് മമ്മൂട്ടി ഇസഹാക്കിന്റെ ഫോട്ടോയെടുക്കുന്ന ചിത്രം സോഷ്യൽ മീഡിയയിൽ പങ്കുവെച്ചത്.’മെഗാ M ലെൻസിലൂടെ ഇസുവിനെയും പകർത്തി. മെഗാ Mന്റെ ഫാൻബോയ് എന്ന നിലയിൽ അവരെ രണ്ടുപേരെയും ഞാനും പകർത്തി,’ എന്നാണ് ഫോട്ടോയ്ക്കൊപ്പം കുഞ്ചാക്കോ ബോബൻ ക്യാപ്ഷൻ നൽകിയിരിക്കുന്നത്.
Whatsapp Group 1 | Whatsapp Group 2 |Telegram Group
ഭീഷ്മ പർവ്വം, സി.ബി.ഐ 5 ദി ബ്രെയ്ൻ എന്നീ ചിത്രങ്ങളുടെ ഷൂട്ടിനിടയിൽ ശ്രിന്ദ, വീണ നന്ദകുമാർ, ലെന, കെ. മധു എന്നിവരുടേതുൾപ്പെടെ മമ്മൂട്ടി പകർത്തിയ ചിത്രങ്ങൾ വൈറലായിരുന്നു. പുഴുവാണ് ഒടുവിൽ പുറത്തിറക്കിയ മമ്മൂട്ടി ചിത്രം. നവാഗതയായ റത്തീനയുടെ സംവിധാനത്തിൽ പുറത്തിറങ്ങിയ ചിത്രത്തിന് മികച്ച പ്രതികരണമാണ് ലഭിച്ചത്.
