കുമരകത്ത് വീണ്ടും രണ്ടിടത്ത് കേബിൾ കുരുക്ക്:

കുമരകം : കുമരകത്ത് രണ്ടിടത്ത് കേബിൾ താഴ്ന്നു കിടന്ന് അപകടക്കെണി. ഉടനെ എന്തെങ്കിലും ചെയ്തില്ലെങ്കിൽ അപകടമുണ്ടാകാൻ സാധ്യതയുണ്ട്.

മരിയാഭവൻ – ഉമ്മാച്ചേരിൽ റോഡിൻ്റെ പ്രവേശന കവാടവും പരിസരവും സ്വകാര്യ കമ്പിനികൾ സ്ഥാപിച്ച കേബിളുകൾ മൂലം അപകടക്കെണിയായി മാറി.

ഇന്ന് തന്നെ കേബിളിൽ ഉടക്കി രണ്ട് അപകടങ്ങൾ നടന്നതായി സമീപത്തെ കട ഉടമകൾ പറഞ്ഞു.

ഉമ്മാച്ചേരി റോഡിന് കുറുകെ താഴ്ന്നു കിടന്ന കേബിൾ സമീപ വാസികൾ താല്ക്കാലികമായി അപകടം ഒഴിവാക്കാൻ പൊക്കി കെട്ടി.

എങ്കിലും സമീപത്ത് ഇപ്പോഴും താഴ്ന്നു കിടക്കുന്ന കേബിളുകൾ അവശേഷിക്കുന്നുണ്ട്. ചന്തക്കവലയിലും കേബിൾ കുരുക്ക് അപകടക്കെണിയായി കിടക്കുന്നുണ്ട്. .