സംസ്ഥാനത്ത് കോവിഡ് ബാധയിൽ സമൂഹ വ്യാപനം ഉണ്ടായിട്ടില്ല: രോഗം സ്ഥിരീകരിച്ചവരിൽ 80 ശതമാനവും വിദേശത്തു നിന്നുള്ളവർ;  വരുന്ന ഒരാഴ്ച നിർണായകമാണെന്ന് ആരോഗ്യ മന്ത്രി

സ്വന്തം ലേഖകൻ

തിരുവനന്തപുരം: സംസ്ഥാനത്ത് ഇതുവരെ കോവിഡ് ബാധയിൽ സമൂഹവ്യാപനം ഉണ്ടായിട്ടില്ലെന്ന് ആരോഗ്യമന്ത്രി കെ.കെ. ശൈലജ. നിരീക്ഷിക്കുന്നവരുടെ എണ്ണം കൂടിയത് ഗൾഫിൽനിന്നുള്ള ആളുകളുടെ വരവ് കൂടിയതിനാലാണ്.

കേരളത്തിൽ രോഗം സ്ഥിരീകരിച്ചവരിൽ 80 ശതമാനവും വിദേശത്തുനിന്നുള്ളവരാണെന്നും മന്ത്രി പറയുന്നു. വരുന്ന ഒരാഴ്ച നിർണായകമാണ്.

വിദേശത്തു നിന്ന് എത്തുന്നവർ ക്വാറൻറീൻ പാലിക്കുന്നില്ലെന്നത് ദൗർഭാഗ്യകരമാണെന്ന് ആരോഗ്യമന്ത്രി കൂട്ടിച്ചേർത്തു. ഗുരുതര രോഗങ്ങൾക്ക് സംസ്ഥാനത്തിന് പുറത്ത് ചികിത്സക്ക് പോകാം. ചികിത്സ രേഖകൾ നൽകി പൊലീസിന്റെ അനുമതി വാങ്ങിയാൽ മതിയെന്നും മന്ത്രി വ്യക്തമാക്കി.