മുതിര്‍ന്ന സിപിഎം നേതാവും പത്തനംതിട്ട ജില്ലാ സെക്രട്ടറിയേറ്റ് മുൻ അംഗവുമായ കെ.പി.സി. കുറുപ്പ് അന്തരിച്ചു

പന്തളം: പത്തനംതിട്ടയില്‍ മുതിർന്ന സിപിഎം നേതാവ് കെ പി ചന്ദ്രശേഖരക്കുറുപ്പ്. (കെ.പി.സി. കുറുപ്പ്) ( 81) അന്തരിച്ചു.

മുൻ ജില്ലാ സെക്രട്ടറിയേറ്റ് അംഗവും മുൻ പന്തളം പഞ്ചായത്ത് അംഗവുമായിരുന്നു. പ്രായാധിക്യത്തെ തുടർന്നുള്ള ദേഹാസ്വാസ്ഥ്യം കാരണം ചെങ്ങന്നൂർ കല്ലിശേരിയിലുളള സ്വകാര്യ ആശുപത്രിയില്‍ ചികിത്സയിലിരിക്കെ ഞായറാഴ്ച രാത്രി 8.15-നായിരുന്നു അന്ത്യം.

1970 -കളിലെ പന്തളം സമരങ്ങളില്‍ സി.പി.എമ്മുമായി ബന്ധപ്പെട്ട് പ്രവർത്തിച്ചാണ് സജീവ ഇടതുപക്ഷ രാഷ്ടീയത്തിലെത്തിയത്. സി.പി.എം. അടൂർ താലുക്ക് കമ്മറ്റി പ്രവർത്തിച്ചിരുന്ന കാലയളവില്‍ സെക്രട്ടറിയായും സേവനം അനുഷ്ഠിച്ചു.

കർഷക സംഘം പത്തനംതിട്ട ജില്ലാ പ്രസിഡന്റ്, സി.ഐ.ടി.യു. നേതാവ്, പന്തളം സർവ്വീസ് സഹകരണ സംഘം പ്രസിഡന്റ് എന്നീ നിലകളിലും പ്രവർത്തിച്ചു. ഭാര്യ: രമാദേവി (റിട്ട അധ്യാപിക)