കോഴിക്കോട് റെയിൽവേ സ്‌റ്റേഷനിൽ നിന്നും 650 കിലോ പഴകിയ ഇറച്ചി പിടികൂടി ; ഇറച്ചിയെത്തിയത് പാർസലായി

സ്വന്തം ലേഖിക

കോഴിക്കോട്: കോഴിക്കോട് റെയിൽവേ സ്റ്റേഷനിൽ നിന്നും പഴകിയ കോഴിയിറച്ചി പിടികൂടി. 650 കിലോ പഴകിയ കോഴിയിറച്ചിയാണ് അധികൃതർ പിടികൂടിയത്.

ഡൽഹിയിൽ നിന്നും മംഗള എക്സ്പ്രസിൽ പാർസലായിട്ടാണ് കോഴിക്കോട് റെയിൽവേ സ്റ്റേഷനിൽ പഴകിയ ഇറച്ചി എത്തിയത്.

ദുർഗന്ധം വമിക്കുന്ന പാർസൽ ബോക്സുകൾ കണ്ടതോടെ അധികൃതർ പരിശോധന നടത്തി. എന്നാൽ കോഴിയിറച്ചി ആരാണ് അയച്ചതെന്ന് വ്യക്തമല്ല. സംഭവത്തിൽ പരിശോധന തുടങ്ങിയതായി റെയിൽവെ അധികൃതർ അറിയിച്ചു.