കോട്ടയത്ത് വീണ്ടും ട്രെയിൻ അപകടം; അടിച്ചിറയ്ക്ക് സമീപം യുവാവിനെ ട്രെയിനിടിച്ചു തെറിപ്പിച്ചു; പരിക്കേറ്റയാളെ മെഡിക്കൽ കോളേജിൽ പ്രവേശിപ്പിച്ചു; അപകടത്തിൽപെട്ടയാളെ തിരിച്ചറിഞ്ഞിട്ടില്ല

കോട്ടയം: ജില്ലയിൽ ട്രെയിനപകടം പതിവാകുന്നു. അടിച്ചിറയ്ക്ക് സമീപം യുവാവിനെ ട്രെയിനിടിച്ചു തെറുപ്പിച്ചു. പരിക്കേറ്റയാളെ കോട്ടയം മെഡിക്കൽ കോളേജിൽ പ്രവേശിപ്പിച്ചു.

അപകടത്തിൽപെട്ടയാളെ തിരിച്ചറിഞ്ഞിട്ടില്ല. ഫോട്ടോയിൽ കാണുന്നയാളെ തിരിച്ചറിയുന്നവർ ​ഗാന്ധിന​ഗർ പൊലീസ് സ്റ്റേഷനുമായി ബന്ധപ്പെടുക. 0481-2597210, 9497947157

ഒക്ടോബർ മാസത്തിലും അടിച്ചിറയിൽ റെയിൽവേ പാളം മുറിച്ചു കടക്കുന്നതിനിടെ ട്രെയിൻ തട്ടി വീട്ടമ്മ മരിച്ചിരുന്നു.
ഗാന്ധിനഗർ അടിച്ചിറ സ്വദേശിനി ജെയ്‌ന (36) ആണ് മരിച്ചത്.

ഗാന്ധിനഗർ അടിച്ചിറ ഭാഗത്ത് വെച്ച് റെയിൽവേ പാളം മുറിച്ചു കടക്കുന്നതിനിടെ ട്രെയിൻ എൻജിൻ തട്ടിയാണ് അപകടമുണ്ടായത്.