കോട്ടയം മൂലവട്ടം മേൽപ്പാലത്തിന് സമീപം അപകടം; റോഡരികിൽ നിർത്തിയിട്ട കാറിൽ സ്കൂട്ടറിടിച്ചു; കാർ യാത്രക്കാരി അടക്കം മൂന്നു പേർക്ക് പരിക്ക്; പരിക്കേറ്റത് കടുവാക്കുളം , തോപ്പ് സ്വദേശികൾക്ക്

സ്വന്തം ലേഖകൻ

കോട്ടയം: മൂലവട്ടം മേൽപ്പാലത്തിന് സമീപത്തെ ഡിസ്പെൻസറിയ്ക്ക് മുന്നിൽ റോഡരികിൽ നിർത്തിയിട്ട കാറിൽ സ്കൂട്ടറിടിച്ച് കാർ യാത്രക്കാരി അടക്കം മൂന്നു പേർക്ക് പരിക്ക്.

കടുവാക്കുളം സ്വദേശിയായ വീട്ടമ്മയ്ക്കും , തോപ്പ് സ്വദേശികളായ സ്കൂട്ടർ യാത്രക്കാർക്കുമാണ് പരിക്കേറ്റത്.

ഇവരെ കോട്ടയം ജില്ലാ ആശുപത്രിയിൽ പ്രവേശിപ്പിച്ചു.

ദിവാൻകവല ഭാഗത്ത് നിന്നും എത്തിയ സ്കൂട്ടർ ദിശ തെറ്റിയെത്തി കാറിൽ ഇടിക്കുകയായിരുന്നു. കാറിനുള്ളിൽ ഇരിക്കുകയായിരുന്ന വീട്ടമ്മ ഇടിയുടെ ആഘാതത്തിൽ കാറിനുള്ളിൽ നിന്നും തെറിച്ച് പുറത്തേയ്ക്ക് വീണു.

അപകടത്തെ തുടർന്ന് മണിപ്പുഴ – ദിവാൻ കവല റോഡിൽ ഗതാഗത തടസവും ഉണ്ടായി.