കോട്ടയം മെഡിക്കൽ കോളേജ് റോഡിൽ വാഹനാപകടം ; നിയന്ത്രണം നഷ്ടമായ കാർ സ്‌കൂട്ടറുകളിലിടിച്ച ശേഷം കാൽനടയാത്രക്കാരനെ ഇടിച്ചു; സ്‌കൂട്ടർ യാത്രികയ്ക്കും കാൽ നടയാത്രക്കാരനും പരിക്ക്; വീഡിയോ കാണാം

സ്വന്തം ലേഖകൻ

കോട്ടയം: മെഡിക്കൽ കോളേജ് കുടയംപടി വട്ടക്കോട്ടയിൽ വാഹനാപകടം. അമിതവേ​ഗതയിൽ നിയന്ത്രണം നഷ്ടമായ കാർ സ്കൂട്ടറുകളിലിടിച്ച ശേഷം കാൽനടയാത്രക്കാരനെ ഇടിച്ചു വീഴ്ത്തി.

അപകടത്തിൽ സ്കൂട്ടർ യാത്രികയായ മെഡിക്കൽ കോളേജ് ജീവനക്കാരിക്കും, കാൽ നടയാത്രക്കാരനും പരിക്കേറ്റു.

നിയന്ത്രണം നഷ്ടമായ കാർ ആദ്യം പോക്കറ്റ് റോഡിൽ നിന്നും കയറിവന്ന യുവതിയുടെ സ്‌കൂട്ടറിൽ ഇടിച്ചശേഷം എതിർ ദിശയിൽ നിന്നും എത്തിയ മറ്റൊരു സ്‌കൂട്ടറിലും ഇടിച്ചു. തുടർന്ന് കാൽ നടയാത്രക്കാരനെയും ഇടിച്ചു വീഴ്ത്തി.

പരിക്കേറ്റവർ കോട്ടയം മെഡിക്കൽ കോളേജ് ആശുപത്രിയിൽ .