കോട്ടയം കളക്ടറേറ്റിലെ മൂന്നാം കോടതിയുടെ പാരപ്പെറ്റ് ഇടിഞ്ഞ് വീണു; അപകടം ഒഴിവായത് തലനാരിഴയ്ക്ക്

സ്വന്തം ലേഖിക

കോട്ടയം: കോട്ടയം കളക്ടറേറ്റ് വളപ്പിൽ കോടതിയുടെ വരാന്തയിലെ പാരപ്പെറ്റ് ഇടിഞ്ഞു വീണു.

കോട്ടയം ജുഡീഷ്യൽ ഒന്നാം ക്ലാസ് മജിസ്‌ട്രേറ്റ് കോടതി മൂന്നിന്റെ വരാന്തയുടെ സമീപത്തുള്ള പാരപ്പെറ്റാണ് ഇടിഞ്ഞു വീണത്. ആളപായമില്ല.

കോടതിയുടെ സമീപത്ത് വാഹനങ്ങൾ പാർക്ക് ചെയ്യുന്ന സ്ഥലത്താണ് പാരപ്പെറ്റ് പൊളിഞ്ഞു വീണത്. ആ സമയത്ത് ആരും അവിടെ വാഹനങ്ങൾ പാർക്ക് ചെയ്യാതിരുന്നതിനാൽ വൻ അപകടം ഒഴിവായി.

പാരപ്പെറ്റ് പൊളിഞ്ഞു വീഴുന്നതിനു സമീപത്തായി നേരത്തെ വാഹനങ്ങൾ നിർത്തിയിട്ടിരുന്നു.