കോടിമതയിൽ അമിതവേ​ഗതയിലെത്തിയ കാർ നിയന്ത്രണംവിട്ട് ബൈക്കിലിടിച്ചു ; ബൈക്ക് യാത്രക്കാരന് ​ഗുരുതര പരിക്ക്

സ്വന്തം ലേഖകൻ
കോട്ടയം : കോട്ടയം കോടിമത വിൻസർ കാസ്റ്റിൽ ഹോട്ടലിനു മുന്നിൽ കാറും ബൈക്കും തമ്മിൽ കൂട്ടിയിടിച്ച് അപകടം. യുവാവിന് പരിക്ക്.

കടുവാക്കുളം ചുളക്കവല തുണ്ടിപ്പറമ്പിൽ മുജീബിനാണ് പരിക്കേറ്റത്. ഇയാളെ ജില്ലാ ആശുപത്രിയിൽ പ്രവേശിപ്പിച്ചു

ചങ്ങനാശ്ശേരിയിൽ നിന്നും കോട്ടയം ഭാഗത്തേക്ക് പോവുകയായിരുന്ന കാർ നിയന്ത്രണംവിട്ട് മുജീബ് സഞ്ചരിച്ച ബൈക്കിൽ ഇടിക്കുകയായിരുന്നു.

ഇടിയുടെ ആഘാതത്തിൽ കാർ ഡിവൈഡർ മറികടന്ന് റോഡിൻറെ എതിർവശത്ത് എത്തി. മുജീബിനെ ബൈക്കടക്കം ഡിവൈഡർ മധ്യഭാഗത്തേക്ക് ഇടിച്ചുതെറിപ്പിക്കുകയായിരുന്നു.

അപകടത്തെ തുടർന്ന് മണിക്കൂറുകളോളം ഗതാഗതവും തടസ്സപ്പെട്ടു.

ചിങ്ങവനം പൊലീസും പൊലീസ് കൺട്രോൾ റൂം വാഹനവും സ്ഥലത്തെത്തിയാണ് ഗതാഗതം നിയന്ത്രിച്ചത്.