കൊ​ട​ക​ര കു​ഴ​ൽ​പ്പ​ണ കേ​സ്: ബി​ജെ​പി നേ​താ​ക്ക​ൾ പ്ര​തി​ക​ള​ല്ലന്ന് പോ​ലീ​സിന്റെ കുറ്റപത്രം

തൃ​ശൂ​ർ: കൊ​ട​ക​ര കു​ഴ​ൽ​പ്പ​ണ കേ​സി​ൽ ബി​ജെ​പി നേ​താ​ക്ക​ൾ പ്ര​തി​ക​ള​ല്ലെ​ന്ന് പോ​ലീ​സിന്റെ കുറ്റപത്രം. ​ബി.ജെ.പി നേതാക്കളെ സാക്ഷി പട്ടികയിലും ചേർത്തിട്ടില്ല. സംസ്​ഥാന അധ്യക്ഷൻ കെ.​ സുരേന്ദ്രൻ അടക്കമുള്ള നേതാക്കളെ സാക്ഷിയാക്കണോ എന്ന കാര്യത്തിൽ പിന്നീട്​ തീരുമാനമെടുക്കും.

കവർച്ച കേസിന്​ ഊന്നൽ നൽകിയാണ്​ കുറ്റപത്രം തയാറാക്കിയിരിക്കുന്നത്​. കേ​സി​ൽ ആ​കെ 22 പ്ര​തി​ക​ളാ​ണു​ള്ള​ത്. കേ​സി​ൽ കു​റ്റ​പ​ത്രം ജൂ​ലൈ 24-ന് ​ഇ​രി​ഞ്ഞാ​ല​ക്കു​ട കോ​ട​തി​ക്ക് മു​മ്പാ​കെ സ​മ​ർ​പ്പി​ക്കാ​നാ​ണ് അ​ന്വേ​ഷ​ണ​സം​ഘ​ത്തി​ൻറെ തീ​രു​മാ​നം.

നഷ്​ടപ്പെട്ട രണ്ടുകോടി ധൂർത്തടിച്ചെന്നും പണം കണ്ടെടുക്കുക ദുഷ്​കരമാണ്. തിരെഞ്ഞെടുപ്പിനായി എത്തിച്ച പണമാണ്​ ഇതെന്ന്​ തെളിയിക്കുന്നതിനുള്ള തു​മ്പും ലഭിച്ചിട്ടില്ല. ചോദ്യംചെയ്യലിൽ പണത്തിൻറെ ഉറവിടം സംബന്ധിച്ച വിവരങ്ങൾ ബി.ജെ.പി നേതാക്കളിൽ നിന്ന്​ ലഭിച്ചിട്ടുമില്ലെന്നാണ് അന്വേഷണ സംഘം പറയുന്നത്.

പ​ണ​ത്തി​ൻറെ ഉ​റ​വി​ട​ത്തി​ൽ ബി​ജെ​പി​കാ​ർ​ക്ക് പ​ങ്കു​ണ്ടെ​ന്ന് കു​റ്റ​പ​ത്ര​ത്തി​ൽ ആ​രോ​പി​ക്കു​ന്നു​ണ്ട്. കേ​സ് ക​ള്ള​പ്പ​ണം വെ​ളു​പ്പി​ക്ക​ൽ നി​രോ​ധ​ന നി​യ​മ​പ്ര​കാ​രം കേ​ന്ദ്ര ഏ​ജ​ൻ​സി അ​ന്വേ​ഷി​ക്ക​ണ​മെ​ന്നാ​യി​രി​ക്കും കു​റ്റ​പ​ത്ര​ത്തി​ൽ പ്ര​ധാ​ന​മാ​യും ആ​വ​ശ്യം ഉ​ന്ന​യി​ക്കു​ക. ഇ​ഡി അ​ന്വേ​ഷി​ക്കേ​ണ്ട വ​കു​പ്പാ​ണി​ത്.

കേ​സു​മാ​യി ബ​ന്ധ​പ്പെ​ട്ട് ജൂ​ലൈ 14-ന് ​സു​രേ​ന്ദ്ര​ൻ ഹാ​ജ​രാ​യി​രു​ന്നു. ഒ​ന്ന​ര മ​ണി​ക്കൂ​ർ ചോ​ദ്യം ചെ​യ്ത ശേ​ഷം സു​രേ​ന്ദ്ര​നെ അ​ന്ന് വി​ട്ട​യ​ക്കു​ക​യാ​യി​രു​ന്നു. പ്ര​തി​ക​ളി​ൽ​നി​ന്നും സാ​ക്ഷി​ക​ളി​ൽ​നി​ന്നും ല​ഭി​ച്ച മൊ​ഴി​ക​ളി​ലും പ​ണം ബി.​ജെ.​പി​യു​ടേ​താ​ണെ​ന്ന സൂ​ച​ന​ക​ൾ ല​ഭി​ച്ചിരുന്നു. ക​ഴി​ഞ്ഞ​ ദി​വ​സം ചോ​ദ്യം ചെ​യ്​​ത​പ്പോ​ൾ പ​ല ചോ​ദ്യ​ങ്ങ​ളി​ൽ​നി​ന്നും ഒ​ഴി​ഞ്ഞു​മാ​റി​യ കെ. ​സു​രേ​ന്ദ്ര​ൻ ധ​ർ​മ​രാ​ജ​നു​മാ​യി പ​രി​ച​യ​മു​ണ്ടെ​ന്നും വി​ളി​ച്ചി​ട്ടു​ണ്ടെ​ന്നും സ​മ്മ​തി​ച്ചി​ട്ടു​ണ്ടെ​ങ്കി​ലും പ​ണ​മി​ട​പാ​ടി​ൽ ബ​ന്ധ​മി​ല്ലെ​ന്നാ​ണ​റി​യി​ച്ച​ത്.

ബി.​ജെ.​പി നേ​താ​ക്ക​ളെ പ്ര​തി​യാ​ക്കു​ന്ന​ത് സം​ബ​ന്ധി​ച്ച്​ അ​ന്വേ​ഷ​ണ​സം​ഘം കൂ​ടി​യാ​ലോ​ച​ന​ക​ൾ നടത്തിയിരുന്നു. ഇ​ട​പാ​ടു​മാ​യി പ​രോ​ക്ഷ​മാ​യി ബ​ന്ധ​പ്പെ​ട്ട മൂ​ന്ന് നേ​താ​ക്ക​ളാ​ണ്​ പ​രി​ഗ​ണ​ന​യി​ലു​ള്ള​ത്. ര​ണ്ട് ജി​ല്ല നേ​താ​ക്ക​ളെ​യും ഒ​രു മേ​ഖ​ല നേ​താ​വി​നെ​യും പ്ര​തി ചേ​ർ​ക്കു​ന്ന​ത് സം​ബ​ന്ധി​ച്ചായിരുന്നു അ​ന്വേ​ഷ​ണ​സം​ഘം നി​യ​മോ​പ​ദേ​ശം തേ​ടി​യത്​.