ജില്ലാതല കേരളോത്സവം; ചങ്ങനാശേരി നഗരസഭ ചാമ്പ്യൻമാർ : മാടപ്പള്ളി ബ്ലോക്ക് രണ്ടാംസ്ഥാനം: മൂന്നാം സ്ഥാനം ളാലം ബ്ലോക്കിന്

സ്വന്തം ലേഖകൻ    

കോട്ടയം : യുവജനക്ഷേമ ബോർഡ് തദ്ദേശസ്വയം ഭരണ സ്ഥാപനങ്ങളുടെ സഹകരണത്തോടെ സംഘടിപ്പിച്ച ജില്ലാ തല കേരളോത്സവത്തിൽ 289 പോയിന്റുകൾ നേടി ചങ്ങനാശേരി നഗരസഭ ഒന്നാമതെത്തി. 211 പോയിന്റോടെ മാടപ്പള്ളി ബ്ലോക്ക് പഞ്ചായത്ത് രണ്ടാം സ്ഥാനവും 105 പോയിന്റോടെ ളാലം ബ്ലോക്ക് പഞ്ചായത്ത് മൂന്നാം സ്ഥാനവും കരസ്ഥമാക്കി.

കായികമേളയിലും യഥാക്രമം ഒന്ന്, രണ്ട്, മൂന്ന് സ്ഥാനങ്ങൾ ചങ്ങനാശേരി നഗരസഭ, മാടപ്പള്ളി, ളാലം ബ്ലോക്ക് പഞ്ചായത്തുകൾ നേടി.

കലാമേളയിൽ ഒന്നാം സ്ഥാനം മാടപ്പള്ളി ബ്ലോക്ക് പഞ്ചായത്തിനും രണ്ടാം സ്ഥാനം ചങ്ങനാശേരി നഗരസഭയ്ക്കും മൂന്നാം സ്ഥാനം പാമ്പാടി ബ്ലോക്ക് പഞ്ചായത്തിനുമാണ് ലഭിച്ചത്.