സംസ്ഥാനത്ത് അടുത്ത 2 ദിവസം വ്യാപകമഴ ; 6 ജില്ലകളില്‍ യെലോ അലര്‍ട്ട്

സ്വന്തം ലേഖകൻ

തിരുവനന്തപുരം: സംസ്ഥാനത്ത് നാളെയും മറ്റന്നാളും വ്യാപകമായി മഴ ലഭിക്കുമെന്ന് കാലാവസ്ഥാ വകുപ്പ്. നാളെ ആറു ജില്ലകളില്‍ യെലോ അലര്‍ട്ടുണ്ട്.

എറണാകുളം, ഇടുക്കി, തൃശൂര്‍ , കോഴിക്കോട്, കണ്ണൂര്‍ കാസര്‍കോട് ജില്ലകളിലാണ് ശക്തമായ മഴക്ക് സാധ്യതയുള്ളത്. മറ്റന്നാള്‍ ഇടുക്കി കണ്ണൂര്‍, കാസര്‍കോട് ജില്ലകളില്‍ മഴ മുന്നറിയിപ്പുണ്ട്.

കേരളത്തിന് മുകളിലുള്ള ന്യൂനമര്‍ദപാത്തി ബംഗാള്‍ ഉള്‍ക്കടലിലെ ചക്രവാത ചുഴി എന്നിവയാണ് മഴ വ്യാപകമാകുന്നതിന് കാരണം.