കറുകച്ചാൽ-മണിമല റോഡിൽ നിയന്ത്രണംവിട്ട കാർ വൈദ്യുതിപോസ്റ്റ്‌ ഇടിച്ചുതകർത്തു

സ്വന്തം ലേഖിക

കോട്ടയം: കറുകച്ചാൽ – മണിമല റോഡിൽ കരയോഗപ്പടിക്ക് സമീപം നിയന്ത്രണംവിട്ട കാർ വൈദ്യുതിപോസ്റ്റ്‌ ഇടിച്ചുതകർത്ത്‌ സമീപത്തെ വീടിന്റെ ഗേറ്റിൽ ഇടിച്ച് മറിഞ്ഞു.

കാർ യാത്രക്കാരായ കരിമ്പനക്കുളം സ്വദേശി കരിമ്പോലിൽ അനീഷും സഹോദരിയും കുട്ടികളും നിസ്സാര പരിക്കോടെ രക്ഷപ്പെട്ടു.

ഞായറാഴ്ച മൂന്നുമണിയോടെയായിരുന്നു സംഭവം. മണിമല സർവീസ് സഹകരണ ബാങ്ക് ജീവനക്കാരനായ അനീഷ് സഹോദരിയുടെ കങ്ങഴയിലുള്ള വീട്ടിൽ പോയി മടങ്ങിവരവെയാണ് അപകടം.

സമീപവാസികൾ യാത്രക്കാരെ മണിമലയിലെ സ്വകാര്യ ആശുപത്രിയിൽ പ്രവേശിപ്പിച്ചു.