കൊച്ചിയില്‍ വിവരാവകാശ പ്രവര്‍ത്തകന് നേരെ നാലംഗ സംഘത്തിന്റെ ആക്രമണം; കൈയും കാലും അടിച്ചൊടിച്ചു

സ്വന്തം ലേഖിക

കൊച്ചി: കൊച്ചിയില്‍ വിവരാവകാശ പ്രവര്‍ത്തകന്‍ കെ ടി ചെഷയറിനെതിരെ ആക്രമണം. നാലംഗ സംഘമാണ് വിവരാവകാശ പ്രവര്‍ത്തകൻ കെ ടി ചെഷയറിനെ ആക്രമിച്ചത്.

തൃപ്പൂണിത്തുറ കണിയാമ്പുഴ പാലത്തിന് സമീപത്ത് വെച്ചാണ് ആക്രമണം നടന്നത്. പരുക്കേറ്റ ചെഷയറിനെ തൃപ്പൂണിത്തുറയിലെ സ്വകാര്യ ആശുപത്രിയില്‍ പ്രവേശിപ്പിച്ചു.

അദ്ദേഹത്തിന്റെ കാലിൻ്റെയും കൈയ്യുടെയും എല്ലുകള്‍ ആക്രമണത്തിനിടയിൽ ഒടിഞ്ഞു. സംഭവത്തില്‍ ഹില്‍പാലസ് പൊലീസ് വധശ്രമത്തിന് കേസെടുക്കുകയും അന്വേഷണം ആരംഭിക്കുകയും ചെയ്തിട്ടുണ്ട്.