പോപ്പ്- അപ്പ് കാമറയുമായി ഇൻഫിനിക്‌സ് എസ് 5 പ്രോ വിപണിയിൽ ; വില 9,999 രൂപ
സ്വന്തം ലേഖകൻ
കൊച്ചി: ഏറ്റവും കുറവ് വിലയിൽ പോപ്പ് – അപ്പ് കാമറയുമായി ഫോൺ ഇൻഫിനിക്‌സ് എസ് 5 പ്രോ വിപണിയിലെത്തി. ഇൻഫിനിക്‌സ് എസ് 5 പ്രോയുടെ വില 9,999 രൂപയാണ്. മാർച്ച് 13 മുതൽ ഇൻഫിനിക്‌സ് എസ് 5 ഉപഭോക്താക്കൾക്ക് ലഭ്യമാകും.
ഫോറസ്റ്റ് ഗ്രീൻ, മജന്ത ഗ്രീൻ എന്നീ രണ്ട് ജാസ്സി നിറങ്ങളിലാണ് ഇൻഫിനിക്‌സ് എസ് 5 പ്രോ എത്തുക. 10,000 രൂപയിൽ താഴെയുള്ള ഒരു പോപ്പ്അപ്പ് ക്യാമറ പ്രദർശിപ്പിക്കുന്ന ഒരേയൊരു സ്മാർട്ട് ഫോണാണിത്. 22201080 പിക്‌സൽ റെസല്യൂഷനോടുകൂടിയ 6.53 ഇഞ്ച് ഫുൾ എച്ച്ഡി + ഡിസ്‌പ്ലേയാണ് ഇൻഫിനിക്‌സ് എസ് 5 പ്രോയ്ക്ക് ഉള്ളത്.
Whatsapp Group 1 | Whatsapp Group 2 |Telegram Group
ആൻഡ്രോയിഡ് 10ലാണ് ഇൻഫിനിക്‌സ് എസ് 5 പ്രോ പ്രവർത്തിക്കുന്നത്. മീഡിയാടെക് ഹീലിയോ പി 35 ഒക്ട കോർ പ്രോസസറാണ്. പുറം ഭാഗത്ത് 3 ഡി ഗ്ലാസ് ഫിനിഷും മുൻവശത്ത് 2.5 ഡി ഗ്ലാസ് ഫിനിഷും ഉണ്ട്. 4000 എംഎഎച്ച് ബാറ്ററിയും ഇൻഫിനിക്‌സ് എസ് 5 പ്രോയ്ക്ക് ഉണ്ട്.
മുൻവശത്ത് 16 മെഗാപിക്‌സൽ പോപ്പ് അപ്പ് സെൽഫി ക്യാമറയുണ്ട്. എഐ പോർട്രെയിറ്റ്, എഐ 3 ഡി ഫേസ് ബ്യൂട്ടി, വൈഡ് സെൽഫി, എആർ അനിമോജി മോഡുകൾ തുടങ്ങി വിവിധ ഫ്രണ്ട് ക്യാമറ മോഡുകൾ ഇതിലുണ്ട്.
