തീയറ്ററുകൾ തുറക്കില്ല: ഹോട്ടലുകളിൽ പകുതി സീറ്റിൽ ഇരുത്തി ഭക്ഷണം നൽകാം: കയറാനും ഇറങ്ങാനും പ്രത്യേകം വഴി: ലോക്ക് ഡൗൺ ഇളവിൽ കേന്ദ്ര സർക്കാർ നിർദേശം ഇങ്ങനെ
തേർഡ് ഐ ബ്യൂറോ
ന്യൂഡൽഹി: മൂന്നാം മാസത്തിൽ അഞ്ചാം ഘട്ടത്തിലേയ്ക്ക് കടക്കുന്ന ലോക്ക് ഡൗണിൽ ഇളവുകൾ പ്രഖ്യാപിച്ച് കേന്ദ്ര സർക്കാർ. ജൂൺ എട്ടു മുതൽ പ്രാബല്യത്തിൽ വരുന്ന ഇളവുകളിൽ ഹോട്ടലുകൾ തുറക്കാൻ അനുവാദം നൽകിയിട്ടുണ്ട്. എന്നാൽ തീയറ്റുകൾ തുറക്കാൻ അനുവാദം ഇല്ല.
ഹോട്ടലുകള്, റസ്റ്റോറന്റുകള് എന്നിവ തുറന്നു പ്രവര്ത്തിക്കുന്നതിനുള്ള മാര്ഗരേഖ കേന്ദ്ര ആഭ്യന്തര മന്ത്രാലയം കഴിഞ്ഞ ദിവസം പുറത്തിറക്കി. ഹോട്ടലിലേക്ക് പ്രവേശിക്കാനും പുറത്തേക്ക് പോകാനും പ്രത്യേക വഴി ഉണ്ടാകണം. ഭക്ഷണശാലകളില് പകുതിയിലധികം സീറ്റുകളില് ഇരുന്ന് ഭക്ഷണം കഴിക്കാന് അനുവദിക്കരുതെന്നാണ് പ്രധാന നിര്ദേശം.
Whatsapp Group 1 | Whatsapp Group 2 |Telegram Group
പ്രധാന നിര്ദേശങ്ങള്
• സാമൂഹിക അകലം കര്ശനമായി പാലിക്കണം. ആറടി അകലം പാലിക്കണം.
• ഭക്ഷണശാലകളില് പകുതി സീറ്റില് മാത്രം ആളുകളെ അനുവദിക്കും.
• കോവിഡ് രോഗലക്ഷണം ഉള്ളവരെ പ്രവേശിപ്പിക്കരുത്.
• പ്രവേശന കവാടത്തില് താപനില പരിശോധിക്കാന് സംവിധാനം ഉണ്ടാകണം.
• ജീവനക്കാര് മുഴുവന് സമയവും മാസ്കുകള് ധരിക്കണം.
• ഹോട്ടലില് ജോലി ചെയ്യുന്ന വയസായവര്, ഗര്ഭിണികള് എന്നിവര് ഭക്ഷണം കഴിക്കാന് എത്തുന്നവരുമായി നേരിട്ട് ബന്ധപ്പെടരുത്.
• ഹോട്ടലിലേക്ക് പ്രവേശിക്കാനും, പുറത്തേക്ക് പോകാനും പ്രത്യേക വഴി ഉണ്ടാകണം.
• പേപ്പര് നാപ്കിന് ആകണം ഉപയോഗിക്കേണ്ടത്.
• എലവേറ്ററുകളില് ആളുകളുടെ എണ്ണം പരിമിതപ്പെടുത്തണം.
• ഭക്ഷണശാലകളില് പകുതി സീറ്റില് മാത്രം ആളുകളെ അനുവദിക്കും.
• ഷോപ്പിംഗ് മാളുകളില് കയറാനും ഇറങ്ങാനും വേവേറെ വാതിലുകള്
• തിയേറ്ററുകള് തുറക്കില്ല.
• ആള്ക്കാര് ഭക്ഷണം കഴിച്ച് പോയ ശേഷം ആ ടേബിള് അണുവിമുക്തമാക്കണം.
• ഓഫീസുകളില് പരമാവധി സന്ദര്ശകരെ ഒഴിവാക്കണം.
• മാളില് കുട്ടികള്ക്കുള്ള കളിസ്ഥലം ഒഴിച്ചിടണം.