ഹെല്ത്ത് കാര്ഡില്ലെങ്കില് പിടി വീഴും…..! സ്ലിപ്പോ സ്റ്റിക്കറോ ഇല്ലാത്ത പാഴ്സല് വില്ക്കാന് പാടില്ല; കര്ശന നടപടിയുമായി ഭക്ഷ്യസുരക്ഷാ വകുപ്പ്
സ്വന്തം ലേഖിക
തിരുവനന്തപുരം: സംസ്ഥാനത്ത് ഹെല്ത്ത് കാര്ഡ് ഇല്ലാത്തവര്ക്കെതിരെ ഭക്ഷ്യ സുരക്ഷാ വകുപ്പ് പ്രത്യേക പരിശോധന ആരംഭിച്ചതായി മന്ത്രി വീണാ ജോര്ജ് അറിയിച്ചു.
സംസ്ഥാനത്ത് ഹെല്ത്ത് കാര്ഡ് നിര്ബന്ധമാക്കിയിരുന്നു. ഭക്ഷ്യ സുരക്ഷാ മുന്നറിയിപ്പോടു കൂടിയ സ്ലിപ്പോ സ്റ്റിക്കറോ ഇല്ലാത്ത ഭക്ഷണ പൊതികള് വില്ക്കാൻ പാടില്ലെന്ന കര്ശന നിര്ദേശവും നല്കിയിട്ടുണ്ട്.
Whatsapp Group 1 | Whatsapp Group 2 |Telegram Group
ഇവ പാലിക്കുന്നുണ്ടോ എന്നിവ ഉള്പ്പെടെയറിയാൻ ഭക്ഷ്യ സുരക്ഷാ പരിശോധനകള് നടന്നു വരികയാണ്. ഇതുകൂടാതെയാണ് പ്രത്യേക പരിശോധന ആരംഭിച്ചത്.
കഴിഞ്ഞ രണ്ട് ദിവസങ്ങളിലായി 606 സ്ഥാപനങ്ങളില് പരിശോധന നടത്തി. അതില് 101 സ്ഥാപനങ്ങളില് പോരായ്മകള് കണ്ടെത്തിയിരുന്നു.
ഇവര്ക്ക് നോട്ടീസ് നല്കിയിട്ടുണ്ട്. ശക്തമായ പരിശോധന തുടരും. ഹെല്ത്ത് കാര്ഡ് ഇല്ലാത്തവര്ക്കെതിരേയും പാഴ്സലില് മുന്നറിയിപ്പോടു കൂടിയ സ്റ്റിക്കര് പതിക്കാത്തവര്ക്കെതിരേയും കര്ശന നടപടി സ്വീകരിക്കുമെന്ന് മന്ത്രി പറഞ്ഞു.