തിരുവനന്തപുരം: വിദേശത്ത് നല്ല ശമ്പളത്തിലൊരു ആഗ്രഹിക്കാത്ത മലയാളികള് ഉണ്ടോ. ഇപ്പോഴിതാ അങ്ങനെ ജോലി തിരയുന്നവർക്ക് ഇതാ മികച്ച അവസരം നല്കുകയാണ് സംസ്ഥാന സർക്കാർ സ്ഥാപനമായ നോർക്ക റൂട്ട്സ്.
ജര്മ്മനിയിലേക്കാണ് അവസരം. അവിടെ ഷെഫ് തസ്തികയിലേക്കാണ് നിയമനം. ആകെ 20 ഒഴിവുകളാണ് ഉള്ളത്. ജൂണ് 20 വരെ ഉദ്യോഗാർത്ഥികള്ക്ക് അപേക്ഷിക്കാം. എങ്ങനെയാണ് അപേക്ഷിക്കേണ്ടത്, യോഗ്യത, പ്രവൃത്തിപരിചയം തുടങ്ങിയ വിശദമായ വിവരങ്ങള് താഴെ
ഹോട്ടല് മാനേജ്മെന്റ്, ഹോട്ടല് മാനേജ്മെന്റ് & കാറ്ററിംഗ് ടെക്നോളജി, കാറ്ററിംങ് ആന്റ് ഷെഫ് മേഖലയിലെ ബിരുദം (നാലു വര്ഷത്തേയോ മൂന്നു വര്ഷത്തേയോ) നേടിയിരിക്കണം. നിലവില് ഇന്ത്യയില് താമസിക്കുന്ന ഉദ്യോഗാര്തഥികള്ക്ക് മാത്രമേ അപേക്ഷിക്കാനാകൂ. വിശദമായ സിവിയും വിദ്യാഭ്യാസം, പ്രവൃത്തി പരിചയം, പാസ്സ്പോര്ട്ട്, ഭാഷായോഗ്യത എന്നിവയുടെ പകര്പ്പുകള് സഹിതം നോര്ക്ക റൂട്ട്സ് വെബ്ബ്സൈറ്റ് സന്ദര്ശിച്ച് അപേക്ഷ നല്കാവുന്നതാണ്.
Whatsapp Group 1 | Whatsapp Group 2 |Telegram Group
പ്രായപരിധി: 2026 മെയ് 31-നകം 35 വയസ്സ് കവിയരുത്. അപേക്ഷിക്കുന്നതിന് ജര്മ്മന് ഭാഷാ യോഗ്യത അനിവാര്യമല്ല. നിലവില് ജര്മ്മന് ഭാഷാ യോഗ്യതയുളളവര്ക്ക് (A1,A2,B1,B2) മുന്ഗണന ലഭിക്കുന്നതാണ്. എന്നാല് തിരഞ്ഞെടുക്കപ്പെട്ടാല് 12 മാസത്തോളം നീളുന്ന ബി-വണ് (B1) വരെയുളള ജര്മ്മന് ഭാഷാപഠനത്തിന് തയ്യാറാകുന്നവരാകണം അപേക്ഷകര്. മുന്പ് അപേക്ഷിച്ചവര് ഇനി അപേക്ഷിക്കേണ്ടതില്ല.
ബി-വണ് വരെയുളള ജര്മ്മന് ഭാഷാപരിശീലനം, യോഗ്യതകളുടെ അംഗീകാരത്തിനുളള നടപടിക്രമങ്ങള്, വിസ പ്രോസസ്സിംഗ്, ജോബ് മാച്ചിങ്ങ്, അഭിമുഖങ്ങള്, ജർമ്മനിയിലേക്കെത്തിയശേഷമുളള ഇന്റഗ്രേഷൻ, താമസ സൗകര്യം, കുടുംബാംഗങ്ങളെ കൊണ്ടുപോകുന്നതിനുളള സഹായം എന്നിവയെല്ലാം പദ്ധതിവഴി ഉദ്യോഗാര്ത്ഥികള്ക്ക് ലഭിക്കുന്നു.
കൂടുതല് വിവരങ്ങള്ക്ക് നോര്ക്ക റൂട്ട്സ് റിക്രൂട്ട്മെന്റ് വിഭാഗത്തിന്റെ 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്. ജർമൻ സര്ക്കാറിന്റെ ഹാൻഡ് ഇൻ ഹാൻഡ് ഫോർ ഇന്റർനാഷണല് ടാലന്റ്സ് (എച്ച് ഐ എച്ച്) പ്രോഗ്രമിന്റെ ഭാഗമായി ഇൻഡോ-ജർമൻ ചേംബർ ഓഫ് കൊമേഴ്സുമായി സഹകരിച്ചാണ് റിക്രൂട്ട്മെന്റ്.
