കോഴിക്കോട് ഫറോക്കില് പെയിന്റ് കെമിക്കല് ഗോഡൗണിൽ വന്തീപിടുത്തം; ഗോഡൗണില് കുടുങ്ങിയ തൊഴിലാളികളെ രക്ഷപ്പെടുത്തി
കോഴിക്കോട്: കോഴിക്കോട് ഫറോക്കില് പെയിന്റ് കെമിക്കല് ഗോഡൗണിൽ വന്തീപിടുത്തം. തിന്നര് ടാങ്കിനു തീപിടിച്ചതോടെയാണ് കെട്ടിടമാകെ തീപടര്ന്നത്. തീപിടിത്തത്തിന്റെ കാരണം വ്യക്തമല്ല.
പെരിന്തല്മണ്ണ സ്വദേശിയായ ഷിഹാബുദ്ദീന്റെ ഉടമസ്ഥതയിലുള്ള കമ്പനിയാണിത്. നാലു മാസം മുമ്പാണ് ഫാക്ടറി ഇവിടെ പ്രവര്ത്തനം ആരംഭിച്ചത്. പെയിന്റ് നിര്മാണത്തിനുള്ള അസംസ്കൃത വസ്തുക്കളാണ് ഇവിടെ സൂക്ഷിച്ചിരിക്കുന്നത്.
ഗോഡൗണില് കുടുങ്ങിയ തൊഴിലാളികളെ രക്ഷപ്പെടുത്തി. അപകടത്തില് ഒരാള്ക്ക് പൊള്ളലേറ്റിട്ടുണ്ട്. ഇയാളെ ഫറോക്കിലെ സ്വകാര്യ ആശുപത്രിയിലേക്ക് മാറ്റി. പൊലീസും അഗ്നിരക്ഷാ സേനയും സ്ഥലത്തെത്തി തീയണക്കാന് ശ്രമം തുടരുകയാണ്.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group
Whatsapp Group 1 | Whatsapp Group 2 |Telegram Group
Third Eye News Live
0