പിടിമുറുക്കി കഞ്ചാവ് മാഫിയ; അ​ട​ച്ചി​ട്ട വീ​ട്ടി​ല്‍​നി​ന്ന്​ പി​ടി​കൂ​ടിയത് എ​ട്ടു​കി​ലോ ക​ഞ്ചാ​വ്; തൊടുപുഴ നഗരത്തിന് പിന്നാലെ സമീപ പ്രദേശങ്ങളും ലഹരിക്കടത്തിൻ്റെ കേന്ദ്രങ്ങൾ

തൊ​ടു​പു​ഴ: ന​ഗ​ര​ത്തിലും സ​മീ​പ പ്രദേശങ്ങളിലും പി​ടി​മു​റു​ക്കി ക​ഞ്ചാ​വ് മാ​ഫി​യ.

വ്യാ​ഴാ​ഴ്​​ച തൊ​ടു​പു​ഴ​ക്ക്​ സ​മീ​പം അ​ട​ച്ചി​ട്ട വീ​ട്ടി​ല്‍​ നി​ന്ന്​ എ​ട്ടു​കി​ലോ ക​ഞ്ചാ​വാ​ണ്​ പി​ടി​കൂ​ടി​യ​ത്. പൊ​ലീ​സി​ന്​ ല​ഭി​ച്ച ര​ഹ​സ്യ​ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​യി​രു​ന്നു പ​രി​ശോ​ധ​ന.

തൊ​ട്ടു​മു​മ്പുള്ള ദി​വ​സം ര​ണ്ടു​കി​ലോ ക​ഞ്ചാ​വു​മാ​യി മ​റ്റൊ​രു യു​വാ​വി​നെ പി​ടി​കൂ​ടി​യി​രു​ന്നു. അ​ടു​ത്തി​ടെ തൊ​ടു​പു​ഴ മേ​ഖ​ല കേ​ന്ദ്രീ​ക​രി​ച്ച്‌ ക​ഞ്ചാ​വ്-​മാ​ഫി​യ പ്ര​വ​ര്‍​ത്ത​ന​ങ്ങ​ള്‍ കൂ​ടി​വ​രു​ന്ന​താ​യാ​ണ്​ കേ​സു​ക​ളു​ടെ വ​ര്‍​ധ​ന​യി​ല്‍ നി​ന്ന്​ തെ​ളി​യു​ന്ന​ത്.

തൊ​ടു​പു​ഴ ന​ഗ​ര​ത്തി​ന്​ പി​ന്നാ​ലെ സ​മീ​പ പ​ഞ്ചാ​യ​ത്തു​ക​ളും ല​ഹ​രി​ക്ക​ട​ത്തി​ന്‍റെ കേ​ന്ദ്ര​ങ്ങ​ളാ​യി മാ​റു​ക​യാ​ണ്. തൊ​ണ്ടി​ക്കു​ഴ​യി​ലെ എം.​വി.​ഐ.​പി​യു​ടെ ക​നാ​ല്‍ അ​ക്വ​ഡ​ക്​​ട്​ പാ​ല​വും മ​ദ്യ-​മ​യ​ക്കു​മ​രു​ന്ന് മാ​ഫി​യ​യു​ടെ സ്വൈ​ര​വി​ഹാ​ര കേ​ന്ദ്ര​മാ​യി മാ​റു​കയാണ്.

രാ​ത്രി എ​ട്ടി​നു​ശേ​ഷം ഇ​വി​ടെ എ​ത്തു​ന്ന​വ​ര്‍ പാ​തി​രാ​ത്രി വ​രെ ഇ​വി​ടെ തു​ട​രും. സ്ഥ​ല​ത്ത് മ​ദ്യ​ക്കു​പ്പി​ക​ളും സി​റി​ഞ്ചു​ക​ളും ഉ​പേ​ക്ഷി​ച്ച​ നി​ല​യി​ല്‍ പ​തി​വാ​യി കാ​ണാ​റുമു​ണ്ട്.

പാ​ല​ത്തി​ന് മു​ക​ളി​ൽ മാ​ലി​ന്യം നി​റ​ഞ്ഞു​കി​ട​ക്കു​ക​യു​മാ​ണ്. രാ​ത്രി​യാ​യാ​ല്‍ ആ​രും ഇ​തു​വ​ഴി സ​ഞ്ച​രി​ക്കാ​ത്ത​തും ഇ​ത്ത​ര​ക്കാ​ര്‍​ക്ക്​ സ​ഹാ​യ​ക​മാ​കു​ന്നു​ണ്ട്. സം​ഭ​വ​ത്തി​ല്‍ പൊ​ലീ​സ് പ​രി​ശോ​ധ​ന ശ​ക്ത​മാ​ക്ക​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.