പുതുവത്സരദിനത്തിൽ പൊലീസ്​ ജീപ്പ്​ ഇടിച്ച്​ യുവാക്കൾ മരിച്ച സംഭവം;മനഃപൂർവമല്ലാത്ത നരഹത്യയ്ക്ക് ഡ്രൈവർ അറസ്റ്റിൽ

സ്വന്തം ലേഖകൻ

ആലപ്പുഴ:പുതുവത്സരദിനത്തിൽ നിയന്ത്രണംവിട്ട പൊലീസ്​ ജീപ്പ്​ സ്​കൂട്ടറിലടിച്ച്​ രണ്ട് യുവാക്കൾ മരിച്ച സംഭവത്തിൽ പൊലീസ്​ ഡ്രൈവർ അറസ്റ്റിൽ.

ആലപ്പുഴ എ.ആർ ക്യാമ്പിലെ പൊലീസുകാരൻ വിഷ്ണുദാസിനെയാണ്​ (32)​ നോർത്ത്​ പൊലീസ്​ അറസ്റ്റ്​ ചെയ്തത്​. മനഃപൂർവമല്ലാത്ത നരഹത്യയും അപകടകരമായി വാഹനം ഓടിച്ചതിനുമുള്ള കുറ്റത്തിനാണ്​ അറസ്റ്റ് നിയന്ത്രണംവിട്ട പൊലീസ്​ ജീപ്പ്​ ഇടിച്ചാണ്​ ബന്ധുക്കളായ രണ്ടു പേർ മരിച്ചത്.

ആലപ്പുഴ ബീച്ചിൽ പുതുവത്സരാഘോഷം കഴിഞ്ഞ്​ വീട്ടിലേക്ക്​ സ്കൂട്ടറിൽ മടങ്ങിയ കോട്ടയം വേളൂർ ചുങ്കത്ത്​ മുപ്പത്​ അകംപാടം എഡ്വേർഡിന്‍റെ മകൻ ജസ്​റ്റിൻ​ (അനിയച്ചൻ -38), കുമരകം പുത്തൻറോഡ്​ നാലുകണ്ടം ജൂലിയാമ്മയുടെ മകൻ ആഷിക്​ എഡ്വേർഡ്​ അലക്സ്​ (വാവച്ചി -20) എന്നിവരാണ്​ മരിച്ചത്​. ജസ്​റ്റിന്‍റെ അമ്മയുടെ സഹോദരിയുടെ മകനാണ്​ ആഷിക്​. ​