ഇറച്ചിക്കായി തെരുവുനായ്ക്കളെ കടത്താൻ ശ്രമം ; രണ്ട് പേർ അറസ്റ്റിൽ

സ്വന്തം ലേഖിക

ത്രിപുര : ഇറച്ചിക്കായ് തെരുവ് നായ്ക്കളെ കടത്താൻ ശ്രമിച്ച രണ്ട് പേരെ പൊലീസ് അറസ്റ്റ്് ചെയ്തു.ത്രിപുരയിൽ നിന്ന് മിസോറമിലേക്ക് തെരുവുനായ്ക്കളെ കടത്താനായിരുന്നു ശ്രമം.

ത്രിപുര- മിസോറം അതിർത്തിയിൽ വച്ചാണ് യുവാക്കളെ പൊലീസ് അറസ്റ്റ് ചെയ്തത്.ഇവർ സഞ്ചരിച്ച വാഹനത്തിൽ നിന്ന് 12 നായ്ക്കളെ ചാക്കിൽ കെട്ടിയ നിലയിലായിരുന്നു കണ്ടെത്തിയത്.

അന്വേഷണത്തിൽ നായ്ക്കളെ മിസോറമിലേക്ക് വിൽപനയ്ക്കായി കൊണ്ടുപോവുകയായിരുന്നെന്ന് യുവാക്കൾ സമ്മതിച്ചു. ഒരു നായ്ക്ക് 2000 മുതൽ 2500 രൂപ വരെ വില ലഭിക്കുമെന്നും ഇവർ പൊലീസിനെ അറിയിച്ചു. പട്ടിയിറച്ചിക്ക് മിസോറമിൽ വൻ ഡിമാൻഡാണ്.

അതേസമയം, നേരത്തെ സമാനമായ സംഭവം 2016 ൽ നടന്നിട്ടുണ്ട്. അന്ന് കടത്താൻ ശ്രമിച്ച പത്തോളം നായകളെയാണ് പൊലീസ് പീടികൂടിയത്. എന്നാൽ, കേസ് അന്വേഷണം എങ്ങുമെത്താതെ നിൽക്കവേയാണ് ഇപ്പോൾ നായകളുമായി വീണ്ടും യുവാക്കൾ പിടിയിലാവുന്നത്.