കൂട്ടുകാരനോടൊപ്പം കളിക്കുന്നതിനിടെ തോട്ടിലേക്ക് വീണു; വെള്ളക്കെട്ടിൽ വീണ് പതിനൊന്ന് വയസുകാരന് ദാരുണാന്ത്യം

സ്വന്തം ലേഖകൻ

കാഞ്ഞങ്ങാട്: വെള്ളക്കെട്ടിൽ വീണ് പതിനൊന്ന് വയസുകാരൻ മരിച്ചു . ഞാണിക്കടവിലെ നാസറിന്റെ മകൻ അഫനാസ്(11) ആണ് മരിച്ചത്.

ഞാണിക്കടവിലെ റിസോർട്ടിന് സമീപത്തെ വെള്ളക്കെട്ടിനടുത്ത് കളിച്ചു കൊണ്ടിരിക്കെയാണ് അപകടം. ഇന്നലെ വൈകിട്ടോടെയാണ് സംഭവം.

കൂട്ടുകാരനോടൊപ്പം കളിക്കുന്നതിനിടെ അബദ്ധത്തിൽ തോട്ടിലേക്ക് വീഴുകയായിരുന്നു.

ബഹളം കേട്ട് എത്തിയ ബന്ധുക്കളും നാട്ടുകാരും കുട്ടിയെ പുറത്തെടുത്ത് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.