88 വർഷത്തെ പേരും പെരുമയുമാണ് വിജയപുരം രൂപതയ്ക്ക്. എന്നാൽ, ഇവിടെ ആകെ വൈദികരായിരിക്കുന്നത് 18 ദളിതർ മാത്രമാണ്. ദളിതന് വേണ്ടി ആരംഭിച്ച പള്ളികളിൽ വൈദിക വൃത്തി ചെയ്യാൻ ദളിത് സമൂഹത്തിനു കാത്തിരിക്കേണ്ടി വന്നത് ഏതാണ്ട് 48 വർഷത്തോളമാണ്. ഈ സമുദായത്തിന്റെ പിൻതുടർച്ചക്കാർ തന്നെയാണ് ഇപ്പോൾ ബിഷപ്പ് സെബാസ്റ്റ്യൻ തെക്കേത്തെച്ചേരിക്കൊപ്പം നിന്ന് ദളിതന് എല്ലാ മേഖലയിലും നീതി നിഷേധിച്ചുകൊണ്ടിരിക്കുന്നത്. തെക്കേത്തെച്ചേരിൽ ബിഷപ്പ് ആയതിനു ശേഷമുള്ള പത്തു വർഷത്തിനിടെ, 2007 മുതൽ 2018 – വരെ അഞ്ചു ദളിത് വിദ്യാർത്ഥികൾക്കു മാത്രമാണ് വൈദിക പട്ടം ലഭിച്ചത്. അടുത്ത ഏഴു വർഷത്തിനിടെ വൈദിക പട്ടം കാത്തിരിക്കുന്ന ഒരാൾക്കു മാത്രമാണ് സെമിനാരിയിൽ പ്രവേശനം ലഭിച്ചത്.
കഴിഞ്ഞ വർഷം ധാരാളം ദളിത് വിദ്യാർത്ഥികൾ സെമിനാരിയിൽ പഠനത്തിനായി പ്രവേശനം നേടി. എന്നാൽ, വിവിധ കാരണങ്ങൾ ഉണ്ടാക്കി ബിഷപ്പ് തന്നെ അവരെ പുറത്താക്കുകയായിരുന്നു. 2018 ൽ ഡീക്കൻ പട്ടം ലഭിച്ച് വൈദികരാകേണ്ട രണ്ടു വിദ്യാർത്ഥികളെ പട്ടം നൽകാൻ യോഗ്യതയുണ്ടെന്നു സെമിനാരി അധികൃതർ സാ്ക്ഷ്യപ്പെടുത്തിയിട്ടും, ദളിതനാണെന്ന ഒറ്റക്കാരണം കൊണ്ടു മാത്രം സഭാ അധികൃതർ പ്ര്‌ത്യേകിച്ച് ബിഷപ്പ് നേരിട്ട് പുറത്താക്കുകയായിരുന്നു. നിങ്ങൾ വിജയപുരം രൂപതയിൽ വൈദികരാകുന്നതിനോട് എനിക്ക് താല്പര്യം ഇല്ല. മറ്റേതെങ്കിലും ലത്തീൻ രൂപതയിൽ ചേർന്ന് വൈദികരാകുന്നതിനു ഞാൻ ശുപാർശ ചെയ്യാം. ഈ രുപതയുടെ സെമിനാരിയിൽ നിന്നു നിങ്ങൾ പിരിഞ്ഞ് പോകണം എന്ന നിർദേശമാണ് ബിഷപ്പ് ഈ വൈദിക വിദ്യാർത്ഥികൾക്കു നൽകിയത്. മറ്റേതെങ്കിലും രൂപതയിൽ വൈദികനാകാൻ എല്ലാ യോഗ്യതകളുമുള്ള വിദ്യാർത്ഥികൾക്ക് അപ്പോൾ എന്ത് അയോഗ്യതയാണ് ബിഷപ്പ് നേരിട്ടു കാണുന്നതെന്നു വ്യക്തമാക്കേണ്ടതല്ലേ. ദളിതൻ എന്ന ഒറ്റ മുദ്ര ചാർത്തിയാണ് ബിഷപ്പ് വിദ്യാർത്ഥികളെ സെമിനാരിയിൽ നിന്നും കാരണങ്ങളൊന്നുമില്ലാതെ ആട്ടിപ്പുറത്താക്കിയിരിക്കുന്നത്.
ഇത്തരത്തിൽ ദളിതന്റെ സത്വത്തെ തന്നെ ആട്ടിപ്പുറത്താക്കുന്ന സമീപനമാണ് എല്ലാക്കാലത്തും ബിഷപ്പ് സെബാസ്്റ്റിയൻ തെക്കേത്തെച്ചേരിൽ സ്വീകരിച്ചിരിക്കുന്നത്. ഇതിനെതിരായി ദളിതൻ ക്രൈസ്തവ സഭയിൽ തീയായി മാറുകയാണ്. ഇത്തരത്തിൽ തീയാകുന്നതിനുള്ള പോരാട്ടമാണ് ഇപ്പോൾ സഭയിൽ നടക്കുന്നതെന്നാണ് ദളിത് കാത്തലിക് ബഹുജന സഭ ജനറൽ കൺവീനർ ഷാജു സെബാസ്റ്റ്യൻ, ജനറൽ സെക്രട്ടറി മജു കന്നിലക്കാട്ടിൽ എന്നിവർ അറിയിച്ചു.