സൈക്കിൾ ഇടിച്ചതിൻ്റെ പേരിൽ പതിമൂന്നുകാരനും എട്ടുവയസ്സുകാരിയ്ക്കും ഏൽക്കേണ്ടി വന്നത് പച്ചത്തെറിയും ക്രൂരമർദ്ദനവും; സംഭവം ഏറ്റുമാനൂരിൽ

സ്വന്തം ലേഖകൻ

ഏറ്റുമാനൂർ: പ്രായപൂർത്തിയാകാത്ത കുട്ടികൾക്ക് അയൽവാസിയുടെ ക്രൂരമർദ്ദനം.ഇന്നലെ വൈകുന്നേരം 7 മണിയോടെ കടയിൽ നിന്ന് വീട്ടിലേക്ക് പോകുന്ന വഴിയാണ് 13 വയസ്സുകാരനായ ഷിഹാസിനും 8 വയസ്സുകാരി ഷെമിനായ്ക്കും അയൽവാസിയായ 62 കാരനിൽ നിന്നും ക്രൂരമർദ്ദനം ഏറ്റത്.

കടയിൽ നിന്ന് സൈക്കളിൽ വീട്ടിലേക്ക് മടങ്ങുകയായിരുന്ന കുട്ടികളുടെ സൈക്കളിൽ കുഞ്ഞുമോന്റെ സൈക്കിൾ കൂട്ടിയിടിച്ച് മൂവരും റോഡിലേക്ക് വീണു.

എന്നാൽ നിലത്തു നിന്നും ചാടി എഴുന്നേറ്റ കുഞ്ഞുമോൻ ഷിഹാസിനെ പച്ച തെറി വിളിക്കുകയും നെഞ്ചിൽ ചവിട്ടുകയുമായിരുന്നു.

തുടരെത്തുടരെയുള്ള ചവിട്ടേറ്റ കുട്ടിയ്ക്ക് ശാരീരിക ബുദ്ധിമുട്ടുകൾ അനുഭവപ്പെട്ടതിനെത്തുടർന്ന് കോട്ടയം മെഡിക്കൽ കോളേജിൽ പ്രവേശിപ്പിക്കുകയായിരുന്നു.

പേരൂർ-ഏറ്റുമാനൂർ റോ‍ഡിൽ പൂവത്തുംമൂട് ദേവിക്ഷേത്രത്തിനു സമീപത്താണ് സംഭവം നടന്നത്.

പരിക്കേറ്റ കുട്ടികൾ മെഡിക്കൽ കോളേജിൽ ചികിൽസ തേടി; സംഭവത്തിൽ ഏറ്റുമാനൂർ പൊലീസ് അന്വേഷണം ആരംഭിച്ചു