സംസ്ഥാനത്ത് ഇന്നും, നാളെയും കോവിഡ് കൂട്ട പരിശോധന

കോവിഡ് ബാധിതരെ വേഗത്തിൽ കണ്ടെത്തി പ്രതിരോധം ശക്തിപ്പെടുത്തുന്നതിന്റെ ഭാഗമായി സംസ്ഥാനത്ത് വ്യാഴം, വെള്ളി ദിവസങ്ങളിൽ കൂട്ട കോവിഡ് പരിശോധന നടത്തുന്നു. ഓഗ് മെന്റഡ് ടെസ്റ്റിംഗിന്റെ ഭാഗമായാണ് പരിശോധന നടത്തുന്നത്.

3.75 ആളുകളുടെ പരിശോധന നടത്താനാണ് ഉദ്ദേശിക്കുന്നത്. . വ്യാ​ഴാ​ഴ്ച 1.25 ല​ക്ഷം പേ​രെ​യും വെ​ള്ളി​യാ​ഴ്ച 2.5 ല​ക്ഷം പേ​രെ​യും പരിശോധിക്കും.

തു​ട​ര്‍ച്ച​യാ​യി രോ​ഗ​ബാ​ധ നി​ല​നി​ല്‍ക്കു​ന്ന പ്ര​ത്യേ​ക സ്ഥ​ല​ങ്ങ​ളും വിഭാഗങ്ങളും കണ്ടെത്തിയാണ് പരിശോധന.

ഇ​ന്‍ഫ്ലു​വ​ന്‍സ ല​ക്ഷ​ണ​മു​ള്ള​വ​ർ, ഗു​രു​ത​ര ശ്വാ​സ​കോ​ശ അ​ണു​ബാ​ധ​യ​യു​ള്ള​വ​ർ, പ്ര​മേ​ഹം, ര​ക്താ​ദി​മ​ര്‍ദം തു​ട​ങ്ങി​യ ഗു​രു​ത​ര രോ​ഗ​ങ്ങ​ളു​ള്ള​വ​ർ, ജ​ന​ക്കൂ​ട്ട​വു​മാ​യി ഇ​ട​പെ​ട​ല്‍ ന​ട​ത്തു​ന്ന 45ന് താ​ഴെ പ്രാ​യ​മു​ള്ള​വ​ർ, വാ​ക്‌​സി​നെ​ടു​ക്കാ​ത്ത 45ന് ​മു​ക​ളി​ൽ പ്രാ​യ​മു​ള്ള​വ​ര്‍, കോ​വി​ഡ് ബാ​ധി​ത​രു​മാ​യി സ​മ്പ​ര്‍ക്ക​മു​ള്ള​വ​ർ , ഒ.​പി​യി​ലെ എ​ല്ലാ രോ​ഗി​ക​ളും, കോ​വി​ഡി​ത​ര രോ​ഗ​ങ്ങ​ള്‍ക്ക് ചി​കി​​ത്സ തേ​ടു​ന്ന​വ​ർ എ​ന്നി​വ​രെയും കോ​വിഡ് പരിശോധന നടത്തും.

അതേസമയം, കോവിഡ് മുക്തരായവരെ പരിശോധനയിൽ നിന്ന് ഒഴിവാക്കിയിട്ടുണ്ട്. നി​ല​വി​ലെ പ​രി​ശോ​ധ​നാ​കേ​ന്ദ്ര​ങ്ങ​ളി​ലേ​ക്കും മൊ​ബൈ​ല്‍ ലാ​ബി​ലേ​ക്കും ഈ സാമ്പിൾ അയക്കും. കൂടാതെ ടെസ്റ്റിംഗ് ക്യാമ്പും നടത്തും.

പോസിറ്റീവ് ആകുന്നവരെ നിലവിലെ മാനദണ്ഡങ്ങൾ അനുസരിച്ച് ഐസലേറ്റ് ചെയ്യും.