ക്വാർട്ടേഴ്സിനുള്ളിൽ നിന്നും ദുർ​ഗന്ധം; പരിശോധനയിൽ കണ്ടെത്തിയത് തൂങ്ങി മരിച്ച നിലയിൽ രണ്ടാഴ്ച മുൻപ് താമസത്തിനെത്തിയ ദമ്പതികളെ; പൊലീസ് അന്വേഷണം ആരംഭിച്ചു

സ്വന്തം ലേഖകൻ

മലപ്പുറം: ദമ്പതിമാരെ ക്വാർട്ടേഴ്സിനുള്ളിൽ തൂങ്ങിമരിച്ച നിലയിൽ കണ്ടെത്തി. തമിഴ്നാട് സ്വദേശി പവൻകുമാറിനെയും ഭാര്യയെയുമാണ് മരിച്ച നിലയിൽ കണ്ടെത്തിയത്.

ജെസിബി ഓപറേറ്ററായി ജോലി ചെയ്യുന്ന പവനും ഭാര്യയും രണ്ടാഴ്ച മുൻപാണ് ചങ്ങരംകുളത്ത്ക്വാർട്ടേഴ്സിൽ താമസത്തിന് എത്തിയത്. നാലുദിവസമായി ഇവരെ പുറത്തുകണ്ടിരുന്നില്ല. ദുർ​ഗന്ധം വമിച്ചതിനെ തുടർന്ന് പരിസരവാസികൾ നടത്തിയ അന്വേഷണത്തിലാണ് ഇവരെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. ചങ്ങരംകുളം പൊലീസ് എത്തി തുടർനടപടികൾ സ്വീകരിച്ചു.