![ബ്രഹ്മപുരത്തെ തീപിടുത്തം; ബയോമൈനിംഗ് പ്രവര്ത്തനത്തില് കരാര് കമ്പനിക്ക് ഗുരുതര വീഴ്ചയെന്ന് കണ്ടെത്തല്; കൂടുതല് പേര് ചികിത്സയില് ബ്രഹ്മപുരത്തെ തീപിടുത്തം; ബയോമൈനിംഗ് പ്രവര്ത്തനത്തില് കരാര് കമ്പനിക്ക് ഗുരുതര വീഴ്ചയെന്ന് കണ്ടെത്തല്; കൂടുതല് പേര് ചികിത്സയില്](https://i0.wp.com/thirdeyenewslive.com/storage/2023/03/BREHMAPURAM.jpeg?fit=1050%2C1403&ssl=1)
ബ്രഹ്മപുരത്തെ തീപിടുത്തം; ബയോമൈനിംഗ് പ്രവര്ത്തനത്തില് കരാര് കമ്പനിക്ക് ഗുരുതര വീഴ്ചയെന്ന് കണ്ടെത്തല്; കൂടുതല് പേര് ചികിത്സയില്
സ്വന്തം ലേഖകൻ
കൊച്ചി: ബ്രഹ്മപുരത്തെ ബയോമൈനിംഗ് പ്രവര്ത്തനത്തില് കരാര് കമ്പനിക്ക് ഗുരുതര വീഴ്ചയെന്ന് കണ്ടെത്തല്. പ്ലാസ്റ്റിക് മാലിന്യങ്ങള് തരംതിരിച്ച ശേഷം കമ്പനി മാറ്റിയില്ല. ബയോംമൈനിംഗില് മുന്പരിചയമില്ലാതെയാണ് സോണ്ട ഇന്ഫ്രാടെക്ക് പ്രൈവറ്റ് ലിമിറ്റഡ് കൊച്ചിയിലെ കരാര് ഏറ്റെടുത്തത്.
11 കോടി രൂപ കരാര് വഴി കിട്ടിയെങ്കിലും 25 ശതമാനം ബയോമൈനിംഗ് മാത്രമാണ് കമ്പനി പൂര്ത്തിയാക്കിയത്. ബ്രഹ്മപുരത്ത് ബയോമൈനിംഗ് ശരിയായി നടന്നിട്ടില്ലെന്ന് മലിനീകരണ നിയന്ത്രണ ബോര്ഡ് കണ്ടെത്തിയിരുന്നു.
Whatsapp Group 1 | Whatsapp Group 2 |Telegram Group
അതേ സമയം ബ്രഹ്മപുരം മാലിന്യ പ്ലാന്റിലുണ്ടായ തീപിടുത്തത്തെ തുടര്ന്ന് ആരോഗ്യ പ്രശ്നങ്ങള് കാരണം ധാരാളം പേരാണ് ചികിത്സ തേടിയെത്തുന്നത്.ശ്വസം മുട്ടല്, ചുമ, ചൊറിച്ചില് എന്നിങ്ങനെയാണ് ജനങ്ങളെ പ്രധാനമായും അലട്ടുന്ന പ്രശ്നങ്ങള്. ചികിത്സയ്ക്കായി 17 പേര് ബ്രഹ്മപുരം സബ് സെന്ററിലും എട്ട് പേര് തൃപ്പൂണിത്തുറ താലൂക്ക് ആശുപത്രിയിലും എത്തി. ഇതിന് പുറമെ നിരവധി പേര് സ്വകാര്യ ആശുപത്രികളെയും സമീപിച്ചിട്ടുണ്ട്.
തുടര്ച്ചയായ എട്ടാം ദിവസവും കൊച്ചി നഗരവും പരിസര പ്രദേശങ്ങളും വിഷപ്പുകയില് മുങ്ങിയിരിക്കുകയാണ്. കടവന്ത്ര, വൈറ്റില, മരട്, പനമ്പള്ളി നഗര് മേഖലകളില് പുക അതിരൂക്ഷമാണ്. അര്ധരാത്രി തുടങ്ങിയ പുകമൂടല് ഇപ്പോഴും തുടരുകയാണ്. അതേസമയം വിഷപ്പുക നിറഞ്ഞ സ്ഥലങ്ങളിലെ മിക്ക സ്കൂളുകളിലും ക്ലാസുകള് ഓണ്ലൈനായി ആണ് നടക്കുന്നത്.
ഇന്നും നാളെയും പ്രശ്നബാധിത മേഘലയിലെ പ്രഫഷണല് കോളേജ് ഉള്പ്പെടെ എല്ലാ വിദ്യാഭ്യാസ സ്ഥപനങ്ങള്ക്കും കളക്ടര് അവധി പ്രഖ്യാപിച്ചിട്ടുണ്ട്.