സംസ്ഥാനത്ത് ക്രിസ്മസ് തലേന്ന് ബിവറേജസ് കോര്‍പ്പറേഷന്‍ വിറ്റത് 65 കോടിയുടെ മദ്യം; കൂടുതല്‍ മദ്യം വിറ്റത് തിരുവനന്തപുരത്ത്; രണ്ടാമത് ചാലക്കുടി

സ്വന്തം ലേഖിക

തിരുവനന്തപുരം: സംസ്ഥാനത്ത് ക്രിസ്മസ് തലേന്ന് ബിവറേജസ് കോര്‍പ്പറേഷന്‍ വിറ്റത് 65 കോടിയുടെ മദ്യം.

കഴിഞ്ഞ വര്‍ഷം ഇതേദിവസം വിറ്റത് 55 കോടിയുടെ മദ്യമാണ്.

പത്തു കോടിയുടെ അധിക വില്‍പ്പനയാണ് ഇത്തവണയുണ്ടായത്.

തിരുവനന്തപുരം പവര്‍ഹൗസ് റോഡിലുള്ള ഷോപ്പിലാണ് കൂടുതല്‍ മദ്യം വിറ്റത്. 73.53 ലക്ഷം രൂപയുടെ വില്‍പ്പന ഈ ഷോപ്പില്‍ നടന്നു.

രണ്ടാം സ്ഥാനത്ത് ചാലക്കുടിയിലെ ഷോപ്പാണ്-70.72 ലക്ഷം. മൂന്നാം സ്ഥാനത്ത് ഇരിഞ്ഞാലക്കുട-63.60 ലക്ഷം രൂപ.

265 മദ്യഷോപ്പുകളാണ് ബിവറേജസ് കോര്‍പറേഷനുള്ളത്. കണ്‍സ്യൂമര്‍ഫെഡ് ഷോപ്പുകള്‍ വഴി വിറ്റ മദ്യത്തിന്റെ കണക്കുകള്‍ ലഭ്യമായിട്ടില്ല.