കോട്ടയം ചങ്ങനാശ്ശേരിയിൽ വൻ നിരോധിത പുകയില ഉൽപ്പന്ന വേട്ട; രണ്ട് പേർ അറസ്റ്റിൽ; 36000 പാക്കറ്റ് നിരോധിത പുകയില ഉൽപ്പനങ്ങൾ പിടിച്ചെടുത്തു

സ്വന്തം ലേഖകൻ

ചങ്ങനാശേരി: കോട്ടയം ചങ്ങനാശ്ശേരിയിൽ പോലീസിൻ്റെ വൻ നിരോധിത പുകയില ഉത്പന്ന വേട്ട .

രണ്ട് പേർ അറസ്റ്റിൽ. ചങ്ങനാശേരി ഫാത്തിമപുരം പുത്തൻപീടികയിൽ വീട്ടിൽ അനീഷ്‌ മകൻ മുഹമ്മദ്‌ സാനിദ് (23),
തിരുവല്ല കോതേക്കാട്ടു ചിറ ആലുംത്തുരുത്തി വീട്ടിൽ രാജൻ മകൻ രതീഷ് കുമാർ (39) എന്നിവരാണ് അറസ്റ്റിലായത്.

ഇവരിൽ നിന്ന് 32 ചാക്കുകളിൽ ആയി സൂക്ഷിച്ചിരുന്ന 36000 പാക്കറ്റ് നിരോധിത പുകയില ഉത്പന്നങ്ങൾ പിടിച്ചെടുത്തു.
‘
ജില്ലാ പോലീസ് മേധാവി കെ കാർത്തിക്കിന്റെ നിർദ്ദേശപ്രകാരം ചങ്ങനാശ്ശേരി പോലീസും ലഹരി വിരുദ്ധ സേനയും ചേർന്നാണ് നിരോധിത പുകയില ഉത്പന്നങ്ങൾ പിടിച്ചെടുത്തത്.

ചങ്ങനാശ്ശേരി ഡിവൈഎസ്പി സനൽ കുമാർ, എസ്എച്ച്ഒ റിച്ചാർഡ് വർഗീസ്എന്നിവരും പരിശോധനയ്ക്ക് നേതൃത്വം നൽകി.