ഞായറാഴ്ച്ച ഉച്ചയോടെ ആന്ധ്രാപ്രദേശ് രജിസ്ട്രേഷനിലുള്ള വാഹനം മുട്ടയുമായി എത്തി; ഒരെണ്ണത്തിന് ആറുരൂപ നിരക്കിൽ വില്പന; മുട്ടയുടെ തോട് പുഴുങ്ങാതെ തന്നെ പൊളിക്കാനാകുമെന്നത് മറ്റൊരു കൗതുകം; പുഴുങ്ങാതെ തന്നെ തോട് പൊളിക്കാം; ഉള്ളിൽ മഞ്ഞക്കരുവും വെള്ളക്കരുവും പ്രത്യേകമില്ല; അന്വേഷണവുമായി ആരോഗ്യ വകുപ്പ്
സ്വന്തം ലേഖകൻ കണ്ണുർ: വ്യാജമുട്ടയും ഒർജിനൽ മുട്ടകളും തമ്മിൽ തിരിച്ചറിയാൻ പാടുപെടുകയാണ് കണ്ണൂർ ജില്ലയിലെ ആളുകൾ.പ്ലാസ്റ്റിക് മുട്ടകൾ സംസ്ഥാനത്തെ വിപണികളിൽ സജീവമായി എത്തുന്നു എന്ന വാർത്തകളാണ് പുറത്തു വരുന്നത്. കഴിഞ്ഞ ദിവസം കണ്ണൂർ പേരാവൂർ കണ്ടപ്പുനത്ത് പിടിച്ചെടുത്ത മുട്ടകളുടെ പരിശോധനാ ഫലം ഇന്ന് വൈകുന്നേരത്തോടെ ലഭിക്കുന്നതോടെ ഇത് സംബന്ധിച്ച ഔദ്യോഗിക സ്ഥിരീകരണം ലഭിക്കും. അതേ സമയം,കളറടിച്ചു വ്യാജ താറാവ് മുട്ട വിപണിയിലെത്തിച്ച സംഭവത്തിൽ ആരോഗ്യ വകുപ്പ് അധികൃതർ അന്വേഷണം തുടങ്ങി.വഴിയോര കച്ചവടത്തിനായി എത്തിച്ച താറാവ് മുട്ട കൃത്രിമമായി നിർമ്മിച്ചതാണെന്ന സംശയത്തിൽ പ്രദേശവാസികൾവാഹനം തടഞ്ഞ് പൊലീസിലേൽപ്പിച്ചിരുന്നു. […]