കുതിരാൻ ഇടത് തുരങ്കം ഗതാഗതത്തിന് തുറന്ന ശേഷം കനത്ത മഴപെയ്യുന്നത് ആദ്യമായി; കനത്തമഴയെ തുടർന്ന് കുതിരാൻ തുരങ്കത്തിന് ചോർച്ച ; സംരക്ഷണഭിത്തിയുടെ ഒരു ഭാഗവും തകർന്നു വീണു
സ്വന്തം ലേഖകൻ വടക്കാഞ്ചേരി : കനത്തമഴയെ തുടർന്ന് പാലക്കാട്-തൃശ്ശൂർ ദേശീയ പാതയായ കുതിരാൻ തുരങ്കത്തിലുണ്ടായ ചോർച്ച ആശങ്ക പടർത്തുന്നു. ചോർച്ചയെ തുടർന്ന് സംരക്ഷണഭിത്തിയുടെ ഒരു ഭാഗവും തകർന്നു വീണിട്ടുണ്ട്. ഇടത് തുരങ്കം ഗതാഗതത്തിന് തുറന്ന ശേഷം ആദ്യമായാണ് കനത്ത മഴ പെയ്യുന്നത്. കുതിരാൻ മലയുടെ മുകളിൽനിന്നും ഊർന്നിറങ്ങി പാറയിലൂടെയാണ് തുരങ്ക പാതയിൽ വെള്ളം വീഴുന്നത്. മുകളിലെ വെള്ളം ഇരുവശത്തേക്കും തിരിച്ചുവിട്ട് അഴുക്ക് ചാലിലേക്ക് ഒഴുക്കാൻ സൗകര്യമുണ്ടെങ്കിലും വെള്ളം പൂർണമായും പോകുന്നില്ല. തുരങ്കത്തിനുള്ളിലെ പാറക്കെട്ടുകളിൽ സിമന്റ് മിശ്രിതം തേച്ചിട്ടുണ്ടെങ്കിലും നിരന്തരം വെള്ളം ഒഴുകിയാൽ അടർന്ന് വീഴാനിടയുണ്ട്. […]