മലമുകളില്‍ നിന്നും കൂറ്റൻ പാറക്കല്ലുകൾ റോഡിലേക്ക് പതിച്ചു;കോട്ടയം-കുമളി ദേശീയപാതയില്‍ വന്‍ദുരന്തം ഒ‍ഴിവായത് തലനാരിഴയ്ക്ക്.പാറക്കല്ലുകൾ വീണത് വാഹനങ്ങൾ സഞ്ചരിച്ചുകൊണ്ടിരിക്കുന്ന പാതയിലേക്ക്.
സ്വന്തം ലേഖിക കോട്ടയം-കുമളി ദേശീയപാതയില്‍ പീരുമേട് മത്തായി കൊക്കയ്ക്ക് സമീപം മലമുകളില്‍ നിന്നും കല്ലുകള്‍ റോഡിലേക്ക് പതിച്ചു.വ്യാഴാഴ്ച്ചയാണ് സംഭവം.ഓരോ നിമിഷവും നൂറുകണക്കിന് വാഹനങ്ങള്‍ കടന്നുപോകുന്ന പാതയിലായിരുന്നു അപകടം.പാറക്കല്ലുകള്‍ റോഡിലേക്ക് പതിക്കുന്നതിന്റെ സിസിടിവി ദൃശ്യങ്ങള്‍ ഞെട്ടിക്കുന്നതാണ്. കല്ലുകള്‍ പതിക്കുന്നതിനു മുന്‍പ് നിരവധി വാഹനങ്ങള്‍ ഇരുവശങ്ങളിലേക്കും കടന്നുപോകുന്നത് ദൃശ്യങ്ങളില്‍ കാണാം. എന്നാല്‍ സംഭവം നടക്കുമ്ബോള്‍ ഈ വഴി വാഹനങ്ങള്‍ വരാതിരുന്നത് മൂലം വന്‍ ദുരന്തമാണ് വഴി മാറിയത്. പീരുമേട് പഞ്ചായത്ത് സ്ഥാപിച്ചിരിക്കുന്ന ക്യാമറയില്‍ പതിഞ്ഞതാണ് ദൃശ്യങ്ങള്‍.
