കോട്ടയത്ത് എട്ടു പേർക്ക് കോവിഡ് : രണ്ടു പേര്ക്ക് രോഗമുക്തി; കോവിഡ് സ്ഥിരീകരിച്ചത് ഇവർക്ക്
സ്വന്തം ലേഖകൻ കോട്ടയം: ജില്ലയില് രണ്ടു പേര് കൂടി കോവിഡ് മുക്തരായി. എട്ടു പേര്ക്ക് പുതിയതായി രോഗം സ്ഥിരീകരിച്ചു. കോട്ടയം മെഡിക്കല് കോളേജ് ആശുപത്രിയില് കഴിഞ്ഞിരുന്ന മേലുകാവ് സ്വദേശിയും(25) വെള്ളാവൂര് സ്വദേശിയു(32)മാണ് രോഗമുക്തരായത്. മേലുകാവ് സ്വദേശി അബുദാബിയില്നിന്നും വെള്ളാവൂര് സ്വശേശി മഹാരാഷ്ട്രയില്നിന്നുമാണ് നാട്ടിലെത്തിയത്. ഇരുവരെയും കോട്ടയം മെഡിക്കല് കോളജില്നിന്ന് ഡിസ്ചാര്ജ് ചെയ്തു. ഇതോടെ ജില്ലയില് രോഗമുക്തി നേടിയവരുടെ എണ്ണം 39 ആയി. രോഗം സ്ഥിരീകരിച്ച എട്ടു പേരില് ഏഴു പേര് വിദേശത്തുനിന്നും ഒരാള് ഡല്ഹിയില്നിന്നുമാണ് എത്തിയത്. ഇതില് നാലു പേര് ഒരു വിമാനത്തിലെ യാത്രക്കാരായിരുന്നു. […]